‘అల్లుడు శీను’ సినిమాతో తెలుగు ఇండస్ట్రీకి ఎంట్రీ ఇచ్చాడు స్టార్ ప్రొడ్యూసర్ బెల్లంకొండ సురేశ్ కుమారుడు బెల్లంకొడ శ్రీనివాస్. తొలి సినిమా కాస్త ఫర్వాలేదు అనిపించినా.. ఆ తర్వాత వచ్చిన సినిమాలేవీ అతనికి మంచి సక్సెస్ని అందించలేకపోయాయి. లేటెస్ట్గా నబా నటేశ్, అనూ ఇమ్మాన్యుయేల్ హీరోయిన్లుగా ‘అల్లుడు అదుర్స్’ అంటూ ప్రేక్షకులను పలకరించాడు అతను. కానీ, ఈ సినిమా కూడా తీవ్రంగా నిరాశపరించింది. బాక్సాఫీస్ వద్ద బోల్తా పడిన ఈ సినిమా ఓటీటీల్లోనూ ప్రేక్షకులను అలరించలేకపోయింది. దీంతో బెల్లంకొండ శ్రీనివాస్కి మరోసారి నిరాశే ఎదురుదైంది. ప్రస్తుతం బాలీవుడ్ బాటపట్టాడు. రాజమౌళీ, ప్రభాస్ కాంబినేషన్లో తెరకెక్కిన సూపర్ హిట్ సినిమా ‘’ హిందీ రీమేక్లో అతను హీరోగా నటిస్తున్నాడు. పెన్ స్టూడియోస్ నిర్మాణంలో వి.వి.వినాయక్ ఈ సినిమాకు దర్శకత్వం వహిస్తున్నారు. అయితే ఈ సినిమాకి సంబంధించి కూడా ఓ రూమర్ అప్పట్లో తెగ వైరల్ అయింది. బెల్లంకొండ శ్రీనివాస్ పక్కన చేసేందుకు బీ-టౌన్ హీరోయిన్లు ఆసక్తి చూపించలేదని వార్తలు సోషల్మీడియాలో చక్కర్లు కొట్టాయి. స్టార్ హీరోయిన్లు కైరా అద్వానీ, దిశా పటాని, శ్రద్ధా కపూర్ మేనేజర్లను శ్రీనివాస్ సినిమా మేకర్స్ సంప్రదించారట. కానీ, వీళ్లంతా బెల్లంకొండ వారి ఆఫర్ను తిరస్కరించారని టాక్ వినిపించింది. చివరిగా అనన్య పాండే ఈ సినిమాకు ఓకే చెప్పినట్లు సమాచారం. అయితే ఈ సినిమా తర్వాత మరోసారి తెలుగులో తన అదృష్టాన్ని పరీక్షించుకొనేందుకు శ్రీనివాస్ సిద్ధమయ్యాడు. అందుకు ఓ సూపర్ హిట్ సినిమా కోసం అతను ఇంతకాలం ఎదురుచూశాడట. తమిళంలో ధనుష్ నటించిన ‘కర్ణన్’ సినిమాని శ్రీనివాస్ త్వరలో తెలుగులో రీమేక్ చేస్తున్నట్లు టాక్ వినిపిస్తోంది. ఇప్పటికే బెల్లంకొండ సురేశ్ ఈ సినిమాపై హక్కులు కొన్నారట. దీంతో ఈ సినిమా తెలుగు రీమేక్ పక్కా అని వార్తలు బలంగా వినిపిస్తున్నాయి. సినిమాకు మారి సెల్వరాజ్ దర్శకుడు. ఈ సినిమా దళిత బహుజన ఐడియాలజీ నేపథ్యంలో తెరకెక్కింది. ఈ సినిమా తెలుగు రీమేక్తో శ్రీనివాస్ బ్లాక్బస్టర్ హిట్ కొట్టడం పక్కా అని సన్నిహితులు అంటున్నారు.
from Telugu Movie News | Movie News in Telugu | Movie Gossips in Telugu https://ift.tt/3t3nBRO
v
No comments:
Post a Comment