అర్ధరాత్రి సమయంలో అలా..! రచ్చ చేసిన అల్లు అర్జున్ ఫ్యాన్స్.. పోలీస్ కేసు నమోదు

స్టైలిష్ స్టార్ అభిమానులపై పోలీస్ కేసు నమోదైంది. అల్లు అర్జున్‌ పుట్టిన రోజు సందర్భంగా బుధవారం అర్ధరాత్రి ఒంటిగంట సమయంలో హైదరాబాద్ జూబ్లీహిల్స్‌ రోడ్‌ నం.68లోని ఆయన నివాసానికి పెద్ద ఎత్తున అబ్భిమానులు తరలి వచ్చారు. కరోనా నిబంధనలు ఉల్లంఘిస్తూ ఆ సమయంలో బాణసంచా కాల్చారు. అర్ధరాత్రి సమయంలో విపరీతమైన బాణాసంచా శబ్దాల వల్ల చుట్టు పక్కల వారికి ఇబ్బంది కలిగి డయల్‌ 100కు కాల్‌ చేసి చెప్పడంతో బన్నీ అభిమానులపై కేసు నమోదు చేశారు పోలీసులు. పెట్రోకార్‌ కానిస్టేబుల్‌ విశాల్‌ ఇచ్చిన ఫిర్యాదు మేరకు పోలీసులు అల్లు అర్జున్‌ ఫ్యాన్స్‌ అసోసియేషన్‌ అధ్యక్షుడు ప్రశాంత్, మరో అభిమాని సంతోష్‌పై కేసు నమోదు చేసి దర్యాప్తు చేస్తున్నారు. కరోనా నిబంధనలు ఉల్లంఘిస్తూ ఎలాంటి అనుమతులు లేకుండా అర్ధరాత్రి సమయంలో ఇలా బాణసంచా కాల్చినందుకు వీరిపై ఐపీసీ సెక్షన్‌ 290, 336, 188 కింద కేసు ఫైల్ అయింది. మరోవైపు నిన్న (ఏప్రిల్ 8) అల్లు అర్జున్ పుట్టిన రోజు సందర్భంగా రెండు తెలుగు రాష్ట్రాల్లోని పలు చోట్ల నానా హంగామా చేశారు ఆయన ఫ్యాన్స్. పెద్ద పెద్ద హోర్డింగ్స్ ఏర్పాటు చేయడమే గాక, కేక్స్ కట్ చేసి సంబరాలు చేసుకున్నారు. ఇక అల్లు అర్జున్ బర్త్ డే కానుకగా ఆయన లేటెస్ట్ మూవీ 'పుష్ప' నుంచి విడుదలైన పుష్పరాజ్ ఇంట్రొడ్యూసింగ్ వీడియో సోషల్ మీడియాలో తెగ వైరల్ అయింది. బన్నీ మాస్ లుక్ చూసి ఆశ్చర్యపోయారంతా. ఈ ఒక్క వీడియోతో 'పుష్ప' సినిమాపై ఉన్న అంచనాలు అమాంతం పెరిగిపోయాయి.

from Telugu Movie News | Movie News in Telugu | Movie Gossips in Telugu https://ift.tt/39VR9u5
v