వకీల్ సాబ్ సెన్సార్ రిపోర్ట్: ఆ సీన్లు కేక.. క్రిస్పీ రన్‌టైం‌తో బొమ్మ బ్లాక్ బస్టర్!

నిర్మాత దిల్ రాజు ముందుగా తెలిపినట్టే ఫ్యాన్స్‌కి వరుస సర్ ప్రైజ్‌లు ఇస్తున్నారు. ట్రైలర్ రిలీజ్‌‌తో సినిమాపై అంచనాలను పెంచేసి.. ప్రీ రిలీజ్ ఈవెంట్‌లో హిట్ కొట్టడం పక్కా అనే కాన్ఫిడెన్స్‌ను ఇచ్చారు. ఇక ఏప్రిల్ 9న ప్రపంచ వ్యాప్తంగా భారీ విడుదలకు రెడీ అయిన ‘వకీల్ సాబ్’ చిత్రానికి సెన్సార్ రిపోర్ట్ వచ్చేసింది. విడుదలకు నాలుగురోజులు ముందుగానే సెన్సార్ కార్యక్రమాలను పూర్తి చేసుకుని U/A సర్టిఫికేట్ అందుకుంది వకీల్ సాబ్. 154 నిమిషాల నిడివి గల ఈ సినిమా పింక్ రీమేక్ అయినప్పటికీ పవన్ కళ్యాణ్ ఫ్యాన్స్‌కి మంచి కిక్ ఇచ్చేవిధంగా మార్పులు చేర్పులు చేశారని.. తెలుగు ఆడియన్స్‌కి కనెక్ట్ అయ్యేవిధంగా.. పవన్ అభిమానులు ఆయన్ని ఎలా చూడాలని అనుకుంటారో అలాగే ఇందులో చూపించారని తెలుస్తోంది. ముఖ్యంగా పవన్ కళ్యాణ్ ఎంట్రీ.. కోర్టు సీన్లు సినిమాకి హైలైట్ అవుతాయని.. ప్రకాష్ రాజ్, పవన్ కళ్యాణ్‌ల మధ్య వచ్చే సన్నివేశాలు సినిమాకి హైలైట్ కాబోతున్నాయని సెన్సార్ నుంచి టాక్ అందుతోంది. మొత్తంగా సెన్సార్ సభ్యుల నుంచి పాజిటివ్ టాక్ రావడంతో చిత్ర యూనిట్ ఫుల్ ఖుషీలో ఉంది. అంజలి, నివేదా థామస్‌, అనన్య నాగళ్ల కీలకపాత్రల్లో నటించిన ఈ చిత్రాన్ని శ్రీరామ్ వేణు ద‌ర్శ‌కత్వం వహించారు. స్వతహాగా పవన్ కళ్యాణ్ అభిమాని అయిన వేణు.. ఈ సినిమా కోసం పక్కాగా స్క్రిప్ట్ రూపొందించడం విశేషం. దాదాపు 3 సంవత్సరాల గ్యాప్‌ తర్వాత పవన్‌ కల్యాణ్ రీ ఎంట్రీ మూవీ కావడంతో మంచి సోషల్ మెసేజ్ కంటెంట్‌తో అభిమానులు కోరుకునే అన్ని కమర్షియల్ హంగులతో ఈ చిత్రాన్ని రూపొంచారు శ్రీరామ్ వేణు. ప్ర‌ముఖ నిర్మాత బోనీ క‌పూర్ స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్‌, బే వ్యూ ప్రాజెక్ట్స్ ప‌తాకాల‌పై దిల్‌రాజు, శిరీష్ ఈ చిత్రాన్ని నిర్మించారు.

from Telugu Movie News | Movie News in Telugu | Movie Gossips in Telugu https://ift.tt/3sQtu5C
v