మనిషి ఒక్కడే కానీ రూపాలెన్నో! కోన వెంకట్ రిలీజ్ చేసిన కపటనాటక సూత్రధారి ఫస్ట్ లుక్

కమర్షియల్ ఎలిమెంట్స్ కన్నా సినిమాలో కంటెంట్ ఉందా అనే దానిపైనే నేటితరం ప్రేక్షకులు కన్నేస్తున్నారు. కొత్త నటీనటులైనా కంటెంట్ ఓరియెంటెడ్ సినిమా వస్తే దానికి భారీ ఆదరణ దక్కుతుండటం చూస్తూనే ఉన్నాం. ఈ క్రమంలోనే అనే దర్శకుడు ఓ డిఫరెంట్ కాన్సెప్ట్ ఎంచుకొని సస్పెన్స్ థ్రిల్లర్‌గా '' అనే సినిమా రూపొందిస్తున్నారు. గత కొంతకాలంగా షూటింగ్ జరుపుకుంటున్న ఈ సినిమా చివరిదశకు చేరుకుంది. ప్రస్తుతం చిత్ర పోస్ట్ ప్రొడక్షన్ పనులు శరవేగంగా జరుగుతున్నాయి. వీటితో పాటు చిత్ర ప్రమోషన్స్ ప్రారంభించిన యూనిట్.. ఫస్ట్ లుక్ పోస్టర్‌తో అట్రాక్ట్ చేసింది. ఓకే ముఖాన్ని ఆరు డిఫరెంట్ షేడ్స్‌లో ప్రెజెంట్ చేస్తూ వదిలిన ఈ ఫస్ట్ లుక్ పోస్టర్ సినిమాపై ఆసక్తి రేకెత్తించేలా ఉంది. ఈ పోస్టర్‌ని ప్రముఖ రచయిత కోన వెంకట్ చేతుల మీదుగా రిలీజ్ చేయడం విశేషం. ఈ పోస్టర్ రిలీజ్ చేసిన కోన వెంకట్.. ఫస్ట్ లుక్ చాలా విభిన్నంగా, ఆసక్తికరంగా ఉందని అన్నారు. ఈ పోస్టర్ చూస్తుంటే ఎంతో వైవిధ్యభరితమైన సినిమా అని తెలుస్తోందని, పోస్టర్ చూడగానే సినిమా చూడాలనే ఆసక్తి కలిగిందని అన్నారు. ఈ 'కపటనాటక సూత్రధారి' సినిమా చాలా బాగా ఆడాలని కోరుకుంటూ చిత్రయూనిట్ మొత్తానికి అల్ ది బెస్ట్ చెప్పారు కోన వెంకట్. విజయ్ శంకర్, సంపత్ కుమార్, చందులాల్, మాస్టర్ బాబా ఆహిల్, అమీక్ష, సునీత, భానుచందర్, రవిప్రకాశ్, అరవింద్, మేక రామకృష్ణ, విజయ్ తదితరులు కీలక పాత్రలు పోషిస్తున్న ఈ సినిమాను ఫ్రెండ్స్ అడ్డా బ్యానర్‌పై మనీష్ (హలీమ్) నిర్మిస్తున్నారు. ఉమా శంకర్, వెంకటరామరాజు, శరత్ కుమార్, జగదీశ్వర్ రావు, శేషు కుమార్, ఎండి హుస్సేన్ సహ నిర్మాతలుగా వ్యవహరిస్తున్నారు. సుభాష్ దొంతి సినిమాటోగ్రఫీ అందిస్తుండగా రామ్ తవ్వ సంగీతం సమకూర్చుతున్నారు. అతి త్వరలో ఈ సినిమా రిలీజ్ డేట్ ప్రకటించనున్నారు మేకర్స్.

from Telugu Movie News | Movie News in Telugu | Movie Gossips in Telugu https://ift.tt/3mL8J98
v