మంచి కమర్షియల్ ఎలిమెంట్స్తో పాటు ఓ గొప్ప సందేశంతో సినిమాలను రూపొందిస్తుంటారు . ‘మిర్చి’ సినిమా నుంచి ‘భరత్ అను నేను’ వరకూ కొరటాల తీసిన సినిమాలు అన్ని బ్లాక్బస్టర్లే. ప్రస్తుతం మెగాస్టార్ ప్రధాన పాత్రలో ‘ఆచార్య’ అనే సినిమాను తెరకెక్కిస్తున్నారు కొరటాల. ఈ సినిమాకి నిర్మాతగా వ్యవహరిస్తున్న రామ్ చరణ్ తేజ్ ఓ కీలక పాత్రలో కూడా నటిస్తున్నాడు. ఇప్పటికే విడుదలైన సినిమా టీజర్లు, పాటలు, ఫస్ట్లుక్లు సినిమా అంచనాలను తారాస్థాయిలో పెంచేశాయి. ఇక సినిమా షూటింగ్ దాదాపు తుది దశకు చేరుకుంది. అయితే రెండో దశలో కరోనా వైరస్ విస్తృతంగా వ్యాప్తి చెందుతుండటంతో షూటింగ్ను తాత్కాలికంగా వాయిదా వేశారు. పరిస్థితులు మెరుగైన తర్వాత మళ్లీ షూటింగ్ ప్రారంభించి.. సినిమా విడుదలకు సన్నాహాలు చేయనున్నారు. అయితే ఈ సినిమా విడుదలకు అడ్డంకులు ఏర్పడే అవకాశం ఉందనే టాక్ వినిపిస్తోంది. ప్రముఖ నిర్మాత దిల్ రాజుకి, దర్శకుడు కొరటాలకు పొసగడం లేదని ఇన్సైడ్ వర్గాల్లో వార్తలు వినిపిస్తున్నాయి. అందుకు బలమైన కారణం కూడా ఉందని టాక్. ‘భరత్ అను నేను’ సినిమా మార్కెటింగ్ విషయాలు కూడా కొరటాల శివనే దగ్గరుండి చూసుకున్నారు. ఇక ఈ సినిమా నైజాం డిస్ట్రిబ్యూషన్ హక్కులను ఆయన దిల్ రాజుకు ఇచ్చారు. అయితే ఈ హక్కులను నిర్మాత దానయ్య దగ్గర నుంచి కొరటాల తీసుకొని దిల్ రాజుకు ఇచ్చారో.. అమ్మారో స్పష్టత లేదు. కానీ, ఈ వ్యవహారంలో దిల్ రాజుకు కొరటాల రూ.మూడు కోట్లు ఇవ్వాల్సి ఉందని సన్నిహిత వర్గాలు చెబుతున్నాయి. దీంతో సరిగ్గా ‘ఆచార్య’ సినిమా విడుదల సమయంలో తనకు రావాల్సిన బాకీ వసూలు చేయాలని భావిస్తున్నారట. ఇందుకోసం ఆ టైమ్లో ఆయన ఈ సమస్యను ఛాంబర్ దృష్టికి తీసుకువెళ్లే ప్లాన్లో ఉన్నట్లు సమాచారం. మరోవైపు ఆచార్య నిర్మాత నిరంజన్ రెడ్డితో పాటు, మెగాస్టార్ చిరంజీవితో అటు రామ్ చరణ్తో దిల్ రాజుకు సత్సంబంధాలు ఉన్నాయి. మరి దిల్ రాజు ఆచార్య విడుదల సమయంలో ఎలాంటి స్టెప్ తీసుకుంటారో తెలియాలి అంటే ఇంకొన్ని రోజులు వేచి చూడాల్సిందే.
from Telugu Movie News | Movie News in Telugu | Movie Gossips in Telugu https://ift.tt/3et24wH
v
No comments:
Post a Comment