పవర్స్టార్ ప్రధాన పాత్రలో వేణు శ్రీరామ్ దర్శకత్వంలో తెరకెక్కిన కోర్ట్ రూమ్ డ్రామా చిత్రం ‘’. హిందీలో బ్లాక్బస్టర్గా నిలిచిన ‘పింక్’ సినిమా ఆధారంగా ఈ సినిమాని రూపొందించారు. భారీ అంచనాల నడుమ విడుదలైన ఈ సినిమా సూపర్ హిట్ టాక్ సొంతం చేసుకుంది. అభిమానుల మనస్సు దోచుకున్న ఈ సినిమా విమర్శకుల నుంచి ప్రశంసలు అందుకుంది. సినిమా చూసిన ప్రతీ ఒక్కరు నటీనటులను, దర్శక, నిర్మాతలను అభినందిస్తున్నారు. తాజాగా సుప్రీం కోర్టు మాజీ న్యాయమూర్తి సినిమాపై ప్రశంసల వర్షం కురిపించారు. వకీల్సాబ్ చూసిన ఆయన ఓ ప్రకటన విడుదల చేశారు. వకీల్సాబ్ చరిత్రలో నిలిచిపోయే సినిమా అంటూ ఆయన కితాబిచ్చారు. ఇక కష్టాల్లో ఉన్న వారికి అండగా నిలిచే లాయర్ పాత్రలో పవర్స్టార్ పవన్కళ్యాణ్ నటించలేదని.. ఆయన జీవించారని అన్నారు. చరిత్రాత్మక చిత్రం ‘దేవదాస్’లో ఓ స్త్రీ పురుషుని మధ్య ఉన్న ప్రేమని ఓ కొత్త కోణంలో ఆవిష్కరించారని అందుకే అది భారతదేశ చరిత్రలోనే ఒక అత్యుత్తమ కావ్యంగా నిలిచిపోయిందని ఆయన పేర్కొన్నారు. మళ్లీ ఇన్నాళ్లకు ప్రపంచవ్యాప్తంగా మధ్య తరగతి మహిళల పట్ల జరుగుతున్న అరాచాకాలపై న్యాయపోరాటంపై ‘వకీల్సాబ్’ సినిమా వచ్చిందన్నారు. సాధారణంగా ఇలాంటి సందేశాత్మక సినిమాలు చేసేందుకు యువ మాస్ ఫాలోయింగ్ ఉన్న హీరోలు చేయరన్న ఆయన.. కానీ, పవన్ కళ్యాణ్ తన ఇమేజీని పక్కన పెట్టి ఈ సినిమా చేశారన్నారు. అందుకే దేశవ్యాప్తంగా ఉన్న అగ్రనటులే కాకుండా ప్రపంచస్థాయి నటుల నుంచి కూడా ప్రశంసలు వచ్చాయని పేర్కొన్నారు. అందుకే వకీల్సాబ్ సినిమా ఒక అత్యుత్తమ చలన చిత్రంగా ప్రపంచస్థాయిలో చిరస్థాయిలో నిలిచిపోతుందని ఆయన అన్నారు. ఇక బోణీ కపూర్ సమర్పణలో శ్రీ వెంకటేశ్వర క్రియేషన్స్ బ్యానర్పై ఈ సినిమాను దిల్ రాజు నిర్మించారు. ఈ సినిమాలో నివేదా థామస్, అంజలి, అనన్య, ప్రకాశ్ రాజ్లు ప్రధాన పాత్రల్లో నటించారు.
from Telugu Movie News | Movie News in Telugu | Movie Gossips in Telugu https://ift.tt/3gvZSr7
v
No comments:
Post a Comment