అందుకే నేను తాగను.. మెగా కోడలితో రకుల్.. పర్సనల్ సీక్రెట్స్ బయటకు

మెగా కోడలు సోషల్ మీడియాలో ఎంత యాక్టివ్‌గా ఉంటారో అందరికీ తెలిసిందే. తన వ‌ృత్తిపరమైన విషయాలే కాకుండా వ్యక్తిగత విషయాలను కూడా పంచుకుంటూ ఉంటారు. ఉపాసన ఎక్కువగా సామాజిక కోణంలోనే ఆలోచిస్తూ ఉంటారు. అందరికీ ఉపయోగ పడే అంశాలను చెబుతూ అవగాహన కల్పిస్తుంటారు. అలాంటి ఉపాసన ఇప్పుడు యువర్ లైఫ్ అంటూ ఆరోగ్య సూత్రాలను చెప్పుకుంటూ వస్తున్నారు. ఆరోగ్య సూత్రాల గురించి చెబుతూ సెలెబ్రిటీల సీక్రెట్స్‌ను అందరికీ తెలిసేలా చేస్తుంటారు. అలా సమంత, రష్మిక మందన్న వంటి స్టార్స్ హెల్త్ సీక్రెట్స్‌ను ఉపాసన అందరికీ తెలిసేలా చేశారు. సమంత చెప్పిన ఆరోగ్య సూత్రాలు, చేసిన వెరైటీ వంటకాలు, స్పెషల్ ఇడ్లీలు ఎంతగా వైరల్ అయ్యాయో అందరికీ తెలిసిందే. ఇక రష్మిక మందాన్న తమ ప్రాంతీయ వంటకం అంటూ పంది మాంసం గురించి చెప్పడంతో అందరూ షాక్ అయ్యారు. ఉపాసన ఇలా సెలెబ్రిటీల ఆరోగ్య సూత్రాలు, పరిరక్షణ గురించి అందరికీ తెలిసేలా చేస్తుంటారు. అయితే ఈ మధ్య రకుల్‌ ప్రీత్‌తోనూ ఉపాసన స్పెషల్‌గా చిట్ చాట్ చేశారు. అసలే రకుల్ ఆరోగ్య పరంగా ఎంతో కఠినంగా ఉంటారు. కరోనా వచ్చినా కూడా తన రెగ్యులర్ అలవాట్లను వదిలిపెట్టలేదు. యోగాలు, జిమ్, వర్కవుట్లు చేసుకుంటూ ఉన్నారు. అయితే ఇప్పుడు రకుల్ మెగా కోడలితో కలిసి రచ్చ చేస్తున్నారు. అయితే ఇందులో రకుల్ చేసిన కామెంట్లు మాత్రం తెగ వైరల్ అవుతున్నాయి. వాటిపై నెటిజన్స్ రకరకాలుగా స్పందిస్తున్నారు. మీకు ఏం చేస్తే హ్యాపీ (హై)గా ఉంటారు అని రకుల్ ప్రీత్‌ని ఉపాసన అడిగారు. ఉపాసన ప్రశ్నకు రకుల్ సమాధానమిస్తూ.. పని చేయడం, వర్కవుట్ చేయడం, మంచి ఫుడ్ తినడం వంటివి చేసినప్పుడు హై ఫీలవుతాను అని రకుల్ చెప్పుకొచ్చారు. నాకు తెలుసు నువ్ డ్రింక్ చేయవు అని రకుల్ గురించి ఉపాసన చెప్పుకొచ్చారు. రకుల్ నువ్ ఎందుకు తాగవు అని అందరూ నన్ను అడుగుతారు.. వారికి నేను ఒకటే సమాధానం చెబుతాను.. ఎందుకే నేను నా జీవితంలో హ్యాపీగానే ఉన్నాను అంటూ రకుల్ చెప్పుకొచ్చారు. అయితే రకుల్ అలా చెప్పిన మాటలు ఇప్పుడు ట్రోలింగ్‌కు గురవుతున్నాయి. అవును నువ్ తాగవు.. కానీ వేరే వాటి ద్వారా సంతోషాన్ని పొందుతావ్.. డ్రగ్స్ ఇష్యూని కవర్ చేయడానికి ఇలా ఉపాసన ప్రోగ్రాంలోకి వచ్చావ్.. డ్రామాలు ఆపేయ్ అంటూ రకరకాలుగా రకుల్ మీద కామెంట్లు పెడుతున్నారు.

from Telugu Movie News | Movie News in Telugu | Movie Gossips in Telugu https://ift.tt/3duTPBb
v