రెండో దశలో కరోనా వ్యాప్తి దేశవ్యాప్తంగా విస్తృతంగా ఉంది. ప్రతీ రోజు లక్షల సంఖ్యలో కేసులు నమోదు కావడంతో ప్రజలు తీవ్ర భయాందోళనకు గురవుతున్నారు. సరైన వైద్య సదుపాయాలు లేక వేలాది మంది ప్రాణాలు కోల్పోతున్నారు. పలు ప్రాంతాల్లో ఆక్సిజన్ కొరత కారణంగా రోగులు మరణిస్తున్నారు. ఈ భయంకర పరిస్థితుల్లో సెలబ్రిటీలు ప్రజలకు సహాయం చేసేందుకు ముందుకు వస్తున్నారు. ఎవరికి తోచిన పద్దతిలో వాళ్లు సహాయం అందిస్తున్నారు. అయితే కన్నడ నటుడు ఈ విపత్కర పరిస్థితుల్లో ఓ కీలక నిర్ణయం తీసుకున్నాడు. ప్రస్తుత పరిస్థితులను లెక్క చేయకుండా కొందరు సెలబ్రిటీలు విదేశాలకు విహారయాత్రకు వెళ్తున్నారు. మరికొందరు ఫ్యాన్సీ ఫోటోషూట్లు చేస్తూ.. వాటిని సోషల్మీడియాలో అప్లోడ్ చేయడంలో బిజీగా ఉన్నారు. ఈ క్రమంలో అలాంటి సెలబ్రిటీలపై విమర్శల వర్షం కురుస్తోంది. అయితే అర్జున్ గౌడ చేసిన పనిని మెచ్చుకొని వాళ్లు లేరు అనడంలో అతిశయోక్తి ఎంత మాత్రం లేదు. కోవిడ్ రోగులను తరలించడానికి అతను అంబులెన్స్ డ్రైవర్ అవతారం ఎత్తాడు. అతను గత రెండు రోజులుగా కోవిడ్ రోగులకు సేవలు అందిస్తున్నాడు. ఈ విషయంపై అతను మాట్లాడుతూ.. ‘‘గత రెండు రోజులుగా నేను రోడ్డు మీదే ఉన్నాను. కోవిడ్తో మృతి చెందిన వారికి అంత్యక్రియలు నిర్వహించేందుకు తీసుకువెళ్లాను. కష్టాల్లో ఉన్న ప్రతీ ఒక్కరికి కచ్చితంగా సహాయం చేయాలనే బలమైన సంకల్పంతోనే ఈ పనిలోకి దిగాను’’ అని అతను అన్నాడు. ఇక తనపై పత్రికలో వచ్చిన కథనాన్ని షేర్ చేసిన అతను.. ‘‘నేను అన్ని జాగ్రత్తలతో ఈ పని చేస్తున్నాను. అందుకు అవసరమైన ట్రైనింగ్ కూడా తీసుకున్నాను. మీ అందరు నాకు అభినందనలు చెప్పడం ఎంతో సంతోషాన్ని కలిగించింది. కర్ణాటక ప్రజలకి సహాయం చేయడం నా బాధ్యతగా.. అది నాకు గౌరవంగా భావిస్తున్నాను’’ అంటూ పేర్కొన్నాడు. అర్జున్ ‘యువరత్న’, ‘ఒడెయా’, ‘రుస్తుం’, ‘అదృశ్య’ తదితర చిత్రాల్లో నటించాడు. కోవిడ్ కష్టకాలంలో ప్రజలకు సేవలు అందిస్తున్న అతనిపై సోషల్మీడియాలో ప్రశంసల వర్షం కురుస్తోంది.
from Telugu Movie News | Movie News in Telugu | Movie Gossips in Telugu https://ift.tt/2QzDUJb
v
No comments:
Post a Comment