‘అరవింద సమేత వీరరాఘవ’ సినిమా తర్వాత నటిస్తున్న భారీ చిత్రం ‘’. దర్శకధీరుడు ఎస్ఎస్ రాజమౌళి రూపొందిస్తున్న ఈ సినిమాలో గిరిజన యోధుడు కొమురం భీం పాత్రలో అతను కనిపించనున్నాడు. ఈ సినిమాలో ఎన్టీఆర్తో పాటు అల్లూరి సీతారామ రాజు పాత్రలో మెగా పవర్స్టార్ రామ్ చరణ్ నటిస్తున్నాడు. శరవేగంగా షూటింగ్ జరుపుకుంటున్న ఈ సినిమా తుది దశకు చేరుకుంది. మరోవైపు కొద్ది రోజుల క్రితం ఎన్టీఆర్ తన 30వ సినిమా ‘జనత గ్యారేజ్’తో తనకు సూపర్ హిట్ అందించిన కొరటాల శివతో చేస్తున్నట్లు ప్రకటన వచ్చింది. ఇప్పటివరకూ అంతా బాగానే ఉంది. అయితే కరోనా రెండో దశలో మరింత వేగంగా వ్యాప్తి చెందుతుండటంతో సినిమా షూటింగ్లకు తీవ్రస్థాయిలో అంతరాయం ఏర్పడే అవకాశాలు ఉన్నాయి. దేశ వ్యాప్తంగా రోజూ లక్షలాది మంది ఈ మహమ్మారి బారిన పడుతున్నారు. ఈ నేపథ్యంలో ఇప్పటికే పలు సినిమాలు తమ షూటింగ్లను, విడుదలలను వాయిదా వేసుకుంటున్నట్లు ప్రకటించాయి. అయితే ఇప్పుడు కరోనా ప్రభావం ఎన్టీఆర్ సినిమాలపై కూడా పడే అవకాశం కనిపిస్తుంది. గత ఏడాది ఎన్టీఆర్ పుట్టినరోజు సమయానికి దేశవ్యాప్తంగా లాక్డౌన్ ఉండటంతో.. ఆర్ఆర్ఆర్ చిత్రం నుంచి టీజర్ కానీ, కనీసం పోస్టర్ కానీ వెలువడ లేదు. లాక్డౌన్ నిబంధనలు సడలించిన తర్వాత ‘రామరాజు ఫర్ భీమ్’ టీజర్ని వదిలి ఫ్యాన్స్ని కాస్త చల్లబరిచారు. అయితే ఇప్పుడు గత ఏడాది జరిగిన సీనే మళ్లీ రిపీట్ అయ్యే పరిస్థితులు కనిపిస్తున్నాయి. కరోనా వ్యాప్తి నేపథ్యంలో ఈసారి కూడా ఎన్టీఆర్ బర్త్డేకి ఆర్ఆర్ఆర్ చిత్రం నుంచి ఎలాంటి పోస్టర్ కానీ, టీజర్ కానీ విడుదల అయ్యే అవకాశం లేదనే టాక్ వినిపిస్తుంది. ఇక కొద్ది రోజుల క్రితం కొరటాల దర్శకత్వంలో ఎన్టీఆర్ 30వ సినిమా ప్రకటన వెలువడింది. అయితే ఎన్టీఆర్ పుట్టిన రోజుకి ఈ సినిమా నుంచి కూడా ఫస్ట్లుక్ పోస్టర్ వస్తుందని అభిమానులు ఆశలో ఉన్నారు. అయితే కరోనా వ్యాప్తి కారణంగా షూటింగ్ ప్రారంభం కానీ తరుణంలో ఈ సినిమా నుంచి కూడా తారక్ ఫ్యాన్స్కి ఎటువంటి అప్డేట్ వచ్చే అవకాశం లేదని అంటున్నారు. దీంతో ఎన్టీఆర్ అభిమానులు నిరాశకి గురయ్యారు.
from Telugu Movie News | Movie News in Telugu | Movie Gossips in Telugu https://ift.tt/3wXLRs0
v
No comments:
Post a Comment