పుష్పరాజ్ వచ్చేశాడు.. అభిమానుల అంచనాలను రెట్టింపుచేస్తూ ‘తగ్గేదే ల్యా’ అంటూ ఊర మాస్ గెటప్లో సర్ ప్రైజ్ చేశాడు . బన్నీ బర్త్ డే సందర్భంగా అభిమానుల్ని సర్ ప్రైజ్ చేస్తూ ‘పుష్ప’ మూవీ టీజర్ను విడుదల చేసి ‘పుష్ఫరాజ్’ని పరిచయం చేశారు. 1.21 నిమిషాల నిడివితో విడుదలైన ఈ టీజర్ని బట్టి ‘పుష్ప’ సినిమా ఏ రేంజ్ సినిమానో హింట్ ఇచ్చాడు దర్శకుడు సుకుమార్. ముఖ్యంగా యాక్షన్ సీక్వెన్స్.. అల్లు అర్జున్ లుక్ ఇదో సరికొత్త ఫార్మేట్ చిత్రం అని చెప్పకనే చెబుతుంది. చిత్తూరు యాసలో ‘తగ్గేదే..లే’ అంటూ వేట కొడవలితో ఊర మాస్ గెటప్లో అల్లు అర్జున్ చెప్తున్న డైలాగ్ విజిల్స్ వేయించేట్టుగానే ఉంది. వేటగొడవల్ని తిప్పే సీన్.. నాలుక మడతపెట్టి ఎర్రచందనం దుంగల్ని పైకి ఎగరేసే సీన్.. ముఖానికి ముసుగు కట్టుకుని మరీ విలన్లను ఊచకోత కోసే సీన్లలో పుష్పరాజ్ ఉగ్రరూపం చూపిస్తున్నాడు. పిక్చరైజేషన్.. బ్యాగ్రౌండ్ మ్యూజిక్ ‘పుష్పరాజ్’ నెక్స్ట్ లెవల్ అనేట్టుగానే ఉంది. ఎర్రచందనం స్మగ్లింగ్ నేపథ్యంలో రూపుదిద్దుకుంటున్న ఈ చిత్రంలో అల్లు అర్జున్.. లారీ డ్రైవర్ పుష్పరాజ్గా కనిపించనున్నారు. బన్నీ సరసన రష్మిక హీరోయిన్గా నటిస్తుండగా.. ఫహద్ ఫాజిల్ ప్రతినాయకుడి పాత్రలో కనిపించనున్నాడు. దేవిశ్రీ ప్రసాద్ స్వరాలు సమకూర్చుతుండగా... మైత్రిమూవీ మేకర్స్ పతాకంపై ఈ చిత్రం పాన్ ఇండియా చిత్రంగా తెరకెక్కుతోంది. తెలుగుతో పాటు హిందీ, తమిళ, మలయాళ భాషల్లో ఆగస్టు 13న ప్రేక్షకుల ముందుకు రానున్నాడు ‘పుష్ప’.
from Telugu Movie News | Movie News in Telugu | Movie Gossips in Telugu https://ift.tt/3cWKr92
v
No comments:
Post a Comment