అక్కినేని వారసుడిగా సినీ గడప తొక్కిన యంగ్ హీరో సరైన హిట్ కోసం తాపత్రయపడుతున్నారు. అంతకుముందు చేసిన ''అఖిల్, హలో, మిస్టర్ మజ్ను'' సినిమాలు ఆశించిన పేరు తెచ్చిపెట్టకపోవడంతో ఎలాగైనా తనను తాను ప్రూవ్ చేసుకోవాలని గట్టిగా ప్రయత్నాలు చేస్తున్నారు. ఈ క్రమంలోనే డిఫరెంట్ మూవీస్ సెలక్ట్ చేసుకుంటున్న ఆయన ప్రస్తుతం 'మోస్ట్ ఎలిజిబుల్ బ్యాచిలర్' సినిమాతో బిజీగా ఉన్నారు. పూజా హెగ్డే హీరోయిన్గా నటించిన ఈ సినిమా జూన్ 19న విడుదలకు సిద్దమవగా.. మరో వైవిధ్యభరితమైన కథాంశాన్ని లైన్లో పెట్టారు అఖిల్. టాలెంటెడ్ డైరెక్టర్, మెగాస్టార్ చిరంజీవితో ఇటీవలే 'సైరా నరసింహా రెడ్డి' సినిమా రూపొందించి సక్సెస్ అందుకున్న దర్శకత్వంలో అఖిల్ తదుపరి సినిమా ఉండబోతోంది. ఈ రోజు (ఏప్రిల్ 8) అక్కినేని వారబ్బాయి పుట్టిన రోజు సందర్భంగా ఈ మూవీ టైటిల్ రివీల్ చేస్తూ ఫస్ట్ లుక్ రిలీజ్ చేశారు మేకర్స్. 'ఏజెంట్' అనే పవర్ఫుల్ టైటిల్ ఫిక్స్ చేసి అఖిల్ స్టన్నింగ్ లుక్ బయటపెట్టారు. ఈ లుక్ చూసిన అక్కినేని ఫ్యాన్స్ ఈ మూవీతో అఖిల్ గేరు మార్చేయబోతున్నారని, ఫస్ట్ లుక్ తోనే భారీ అంచనాలు క్రియేట్ చేసుకున్నారని అంటున్నారు. ఏకే ఎంటర్టైన్మెంట్స్ బ్యానర్, సురేందర్ సినిమా సంయుక్త సమర్పణలో ఈ 'ఏజెంట్' మూవీ రూపొందనుంది. మునుపెన్నడూ చూడని విభిన్నమైన కథ, యాక్షన్ థ్రిల్లర్ కథాంశంతో ఈ సినిమాను తెరకెక్కించనున్నారట. సినిమాలో అఖిల్ని ఓ సీక్రెట్ ఏజెంట్గా సరికొత్త పాత్రలో చూపించబోతున్నారని తెలుస్తోంది. హీరోయిన్, ఇతర నటీనటుల వివరాలు అతిత్వరలో ప్రకటించనున్నారు. ఇకపోతే ఈ చిత్రాన్ని డిసెంబర్ 24వ తేదీన విడుదల చేయబోతున్నట్లు ఫస్ట్ లుక్ లోనే ప్రకటించడం విశేషం.
from Telugu Movie News | Movie News in Telugu | Movie Gossips in Telugu https://ift.tt/3rXTv1F
v
No comments:
Post a Comment