Wild Dog Trailer: కేవలం రెండు నిమిషాల్లో విశ్వరూపం చూపించిన నాగార్జున.. చిరంజీవి కామెంట్స్ వైరల్

టాలీవుడ్ సీనియర్ హీరో ప్రధాన పాత్రలో రాబోతున్న కొత్త సినిమా 'వైల్డ్ డాగ్'. యాక్షన్‌ థ్రిల్లర్‌‌గా ప్రేక్షకుల ముందుకు రాబోతున్న ఈ సినిమాకు అహిషోర్ సాల్మోన్ ద‌ర్శక‌త్వం వహిస్తున్నారు. మ్యాట్నీ ఎంట‌ర్‌టైన్‌మెంట్ బ్యానర్‌పై నిరంజన్‌రెడ్డి, అన్వేష్‌రెడ్డి సంయుక్తంగా నిర్మిస్తున్న ఈ మూవీలో నాగార్జున డేర్ డెవిల్ ఎన్‌కౌంటర్ స్పెషలిస్ట్ ఏసీపీ విజయ్ వర్మ పాత్రలో నటిస్తుండగా.. ఆయన సరసన దియామీర్జా హీరోయిన్‌గా నటిస్తోంది. సయామీ ఖేర్ కీలక పాత్ర పోషిస్తున్నారు. చిత్ర ప్రమోషన్స్‌లో భాగంగా తాజాగా మెగాస్టార్ ఈ మూవీ ట్రైలర్ రిలీజ్ చేశారు. ఈ ట్రైలర్‌ని తన ట్విట్టర్ ఖాతాలో పోస్ట్ చేసిన చిరంజీవి.. ''నా సోదరుడు నాగార్జున ఈ వైల్డ్ డాగ్ సినిమాలో ఎప్పటిలాగే చాలా కూల్‌గా, ఎనర్జిటిక్‌గా కనిపించారు. ఏ జోనర్‌ సినిమా అయినా చేయడానికైనా భయం లేకుండా ముందడుగు వేసే నటుడు నాగ్. ‘వైల్డ్‌డాగ్‌’ చిత్ర బృందానికి, మా నిర్మాత నిరంజన్‌రెడ్డికి శుభాకాంక్షలు'' అని తెలిపారు. ఇకపోతే.. 2 నిమిషాల 24 సెకనుల నిడివితో కూడిన ఈ ట్రైలర్‌‌ని హైదరాబాద్‌లో జరిగిన గోకుల్ చాట్ బాంబ్ బ్లాస్ట్ సీన్‌తో ప్రారంభించి నిజమైన బాంబ్ బ్లాస్ట్స్ నేపథ్యంలో ఈ మూవీ రూపొందుతోందని తెలిపారు. కొందరు సంఘ విద్రోహ శక్తులతో పాటు తీవ్రవాదులతో విజయ్ వర్మ చేసే పోరాటాన్ని చూపిస్తూ ఆసక్తికర సన్నివేశాలతో ఈ ట్రైలర్ కట్ చేశారు మేకర్స్. కేవలం రెండు నిమిషాల వీడియోతోనే నాగార్జున విశ్వరూపం చూపించారు. ''మన దేశంలో వందల మందిని చంపి మీరేమీ చేయలేరు అంటే.. నేను అందుకు అంగీకరించను'' అంటూ నాగార్జున చెప్పిన డైలాగ్ ఆయన రోల్ ఎంత పవర్‌ఫుల్ అనేది తెలుపుతోంది. యాక్షన్స్ సీన్స్‌తో పాటు ఫ్యామిలీ ఎమోషన్స్ కూడా చూపిస్తూ ఈ ట్రైలర్ కట్ చేయడం సినిమాకు భారీ హైప్ తెచ్చిపెట్టిందనే చెప్పుకోవాలి. విజయ్ వర్మగా నాగార్జున లుక్ అదుర్స్ అనిపించింది. ఇప్పటికే షూటింగ్ కంప్లీట్ చేసుకొని పోస్ట్ ప్రొడక్షన్ పనులతో బిజీగా ఉన్న చిత్రయూనిట్.. ఈ సినిమాను ఏప్రిల్ 2వ తేదీన భారీ ఎత్తున ప్రేక్షకుల ముందుకు తీసుకురాబోతున్నారు.

from Telugu Movie News | Movie News in Telugu | Movie Gossips in Telugu https://ift.tt/3vhAhHd
v