తెలంగాణ రాష్ట్ర పర్యాటక అభివృద్ధి సంస్థ (TSTDC) బ్రాండ్ అంబాసిడర్గా బిగ్ బాస్ ఫేమ్, యూట్యూబ్ స్టార్ దేత్తడి హారికే ఉంటారని ఆ సంస్థ చైర్మన్ ఉప్పల శ్రీనివాస్ గుప్తా స్పష్టం చేశారు. హిమాయత్ నగర్లోని తెలంగాణ రాష్ట్ర పర్యాటక అభివృద్ధి సంస్థ కార్యాలయంలో మేనేజింగ్ డైరెక్టర్ మనోహర్ రావుతో కలిసి ఆయన మీడియా సమావేశం నిర్వహించారు. TSTDC బ్రాండ్ అంబాసిడర్గా దేత్తడి హారికను తొలగించారని వస్తున్న వార్తలను ఆయన ఖండించారు. దేత్తడి హారికను తొలగించారన్న వార్తల్లో నిజం లేదన్నారు. తెలంగాణ టూరిజంకు దేశంలోనే ప్రత్యేక గుర్తింపు తీసుకొచ్చేలా సీఎం కేసీఆర్.. మంత్రులు కేటీఆర్, శ్రీనివాస్ గౌడ్ నాయకత్వంలో ముందుకు వెళ్తున్నామని గుప్తా చెప్పారు. అందుకోసమే టూరిజంను ప్రమోట్ చేసుకునేందుకు తక్కువ ఖర్చుతో ప్రచారం చేస్తున్నామన్నారు. ఈ నేపథ్యంలోనే దేత్తడి హారికను నియమించామన్నారు. ఈ విషయంలో మంత్రులు, ఉన్నతాధికారులను సంప్రదించే ముందుకు వెళ్లామన్నారు. అయితే కొందరు గిట్టని వాళ్లు దేత్తడి హారికను తొలగించినట్లు దుష్ప్రచారం చేస్తున్నారని.. ఇలాంటివి నమ్మొద్దని గుప్తా వెల్లడించారు. తెలంగాణ టూరిజంను నెంబర్ వన్ చేసేందుకు కృషి చేస్తున్నామన్న గుప్తా.. తెలంగాణ రాష్ట్ర పర్యాటక అభివృద్ధి సంస్థ బ్రాండ్ అంబాసిడర్గా దేత్తడి హారిక కొనసాగుతారని మరోసారి స్పష్టం చేశారు. కాగా, దేత్తడి హారికను TSTDC బ్రాండ్ అంబాసిడర్గా నియమించడం పట్ల పలువురు పెదవి విరుస్తున్నారు. ఆమెకు ఏం అర్హత ఉందని బ్రాండ్ అంబాసిడర్ను చేశారని సోషల్ మీడియా ద్వారా ప్రశ్నిస్తున్నారు. చిన్న వయసులోనే ఎవరెస్ట్, కిలిమంజారో లాంటి పర్వతాలను అధిరోహించి తెలంగాణ ఘనతని విశ్వవ్యాప్తం చేసిన మలావత్ పూర్ణ, మిస్ ఇండియాగా ఎంపికై వారణాసి మానస పేర్లను చాలా మంది సూచిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/30oWQvd
v
No comments:
Post a Comment