సమంతను పెళ్లాడిన అక్కినేని .. సాయి పల్లవితో 'లవ్ స్టోరీ' నడిపిస్తున్న సంగతి తెలిసిందే. ఇది రీల్ లవ్ స్టోరీయే అయినా రియల్ ఫీలింగ్స్ వచ్చేలా ఒక్కో అప్డేట్తో సినిమాపై హైప్ పెంచేస్తున్నారు దర్శకనిర్మాతలు. చిత్ర ప్రమోషన్స్లో భాగంగా ఇప్పటికే ఈ సినిమా నుంచి విడుదలైన పోస్టర్స్, సాంగ్స్, టీజర్ ప్రేక్షకుల్లో ఫ్రెష్ ఫీలింగ్స్ తెప్పిస్తూ సినిమాపై ఉన్న అంచనాలకు రెక్కలు కట్టాయి. దీంతో ఈ మూవీకి ఊహించని రేంజ్లో బిజినెస్ ఆఫర్స్ వచ్చాయని తెలుస్తోంది. ప్రస్తుతం ఫిలిం నగర్లో వినిపిస్తున్న సమాచారం మేరకు 'లవ్స్టోరి' సినిమా ఆంధ్ర హక్కులు 15 కోట్ల రూపాయలకు సేల్ అయ్యాయని తెలుస్తోంది. శేఖర్ కమ్ముల సినిమాలకు ఉండే డిమాండ్ దృష్ట్యా ఓవర్సీస్లోనూ సినిమాకు సూపర్ బిజినెస్ చేసిందని అంటున్నారు. ఓవర్సీస్ హక్కులు 6 కోట్లకు సేల్ అయ్యాయట. ఇక ఈ చిత్ర నిర్మాణంలో భాగమైన ఏషియన్ సినిమాస్ సునీల్ నారంగ్ వాళ్లకు నైజాంలో ఎలాగూ సొంత డిస్ట్రిబ్యూషన్ ఉంది కాబట్టి నైజాం ఏరియాలో వాళ్లే సొంతంగా రిలీజ్ చేసుకుంటారు. మొత్తంగా చూస్తే శాటిలైట్, డిజిటల్ రైట్స్ అన్నీ కలిపి దాదాపు 50 కోట్ల మేర ప్రీ రిలీజ్ బిజినెస్ నడిచిందని టాక్. సో.. ఇదంతా చూస్తుంటే నాగ చైతన్య, 'లవ్ స్టోరీ'పై ట్రేడ్ వర్గాలు ఏ రేంజ్ నమ్మకం పెట్టుకున్నాయనేది అర్థం చేసుకోవచ్చు. ఏప్రిల్ 16వ తేదీన ఈ సినిమాను రిలీజ్ చేయబోతున్నారు. శేఖర్ కమ్ముల రూపొందిస్తున్న ఈ '' సినిమాను శ్రీ వెంకటేశ్వర సినిమాస్ ఎల్ఎల్ పీ, అమిగోస్ క్రియేషన్స్ సంస్థలు సంయుక్తంగా నిర్మిస్తున్నాయి. కె నారాయణదాస్ నారంగ్, పి. రామ్మోహన్ రావు నిర్మాతలుగా వ్యవహరిస్తున్నారు. ప్రస్తుతం సినిమాకు సంబంధించిన పోస్ట్ ప్రొడక్షన్ వర్క్స్ శరవేగంగా జరుగుతున్నాయి. ఈ మూవీ నుంచి ఇటీవలే విడుదలైన 'సారంగ దరియా' లిరికల్ సాంగ్ సోషల్ మీడియాను షేక్ చేస్తూ రికార్డు స్థాయిలో వ్యూస్ రాబడుతోంది.
from Telugu Movie News | Movie News in Telugu | Movie Gossips in Telugu https://ift.tt/2NO5kK1
v
No comments:
Post a Comment