అనసూయ కాళ్లకి కుర్ర రైటర్ దండం.. ‘పైన పటారం లోన లొటారం’ పాట రాసింది ఈ పిల్లోడే.. ప్రీ రిలీజ్‌లో హైలైట్ సీన్

‘పైన పటారం.. ఈడ లోన లొటారం.. ఇను బాసూ చెబుతాను లోకం యవ్వారం’ అంటూ యాంకర్ చిందేసిన ఐటమ్ సాంగ్ ట్రెండింగ్‌లో ఉంది. కార్తీకేయ, లావణ్య త్రిపాఠి హీరో హీరోయిన్లుగా నటించిన ‘’ చిత్రంలోని ఈ సాంగ్ ఇటీవల విడుదలై మంచి రెస్పాన్స్ రాబట్టింది. అయితే ఈ సాంగ్ రాసింది.. 16 ఏళ్ల పిల్లోడు. అతని పేరు సనారే (సత్య నారాయణ రెడ్డి). మంగళవారం నాడు హైదరాబాద్‌లో ‘చావు కబురు చల్లగా’ ప్రీ రిలీజ్ వేడుకలో హాట్ టాపిక్‌గా నిలిచాడు ఈ సనారే. అల్లు అర్జున్ ముఖ్య అతిథిగా హాజరైన ఈ ఈవెంట్‌లో తన స్పీచ్‌తో అలరించాడు సనారే. ఈ కార్యక్రమానానికి హోస్ట్‌గా వ్యవహరించిన యాంకర్ సుమ.. సనారెని స్టేజ్‌పైకి ఆహ్వానిస్తూ.. ఇన్నాళ్లూ మనకి సినారే తెలుసు.. ఇప్పుడు రైటర్ సనారే పేరు చూసి అవాక్కయ్యా.. అని అతన్ని స్టేజ్‌పైకి ఆహ్వానించింది. అయితే ఈ పదహారేళ్ల పిల్లోడు వస్తూ వస్తూ యాంకర్ అనసూయతో పాటు పక్కనే ఉన్న నవదీప్ కాళ్లకి కూడా దండం పెట్టేయడంతో అవాక్కైన సుమ.. వామ్మో నువ్ వాళ్ల కాళ్లకే దండం పెడితే ఇక్కడికి వచ్చే ఏం చేస్తావో.. అనసూయ కాళ్లకి కూడా దండం పెట్టేశావా?? దేవుడా.. దయచేసి నా కాళ్లకి మాత్రం దండం పెట్టకు.. నేను అంత పెద్ద దాన్ని కాదు.. ఊరికే అలా పెద్దదానిలా నటిస్తుంటా అంటూ పంచ్‌లు వేసింది. అవును సనారే.. చూస్తుంటే పట్టుమని పదహారేళ్లు లేవు.. ఈ సినిమాలో రెండు పాటలు రాసేశావు.. ఏంటి యవ్వారం.. పైగా అనసూయ ‘పైన పటారం లోన లొటారం’ సాంగ్ లిరిక్ రాసింది నువ్వేనా?? ఓ మై గాడ్’ అంటూ ఆశ్చర్యపోయింది సుమ. ఇక సుమ దగ్గర నుంచి మైక్ అందుకున్న కుర్ర రైటర్ సనారే.. మిమ్మల్ని చూస్తే 30 ఏళ్లు కూడా కనిపించవు అంటూ పంచ్‌తో మొదలుపెట్టాడు. దీంతో నీకు మంచి ఫ్యూచర్ ఉందని సెటైర్ వేసింది సుమ. సుమ అక్కగారికి నమస్కారం అని సనారే అనడంతో నన్ను అక్క అన్నావ్ అంటే.. అనసూయ ఆంటీ అనే కదా అంటూ సుమ పంచ్ వేయగా.. స్టేజ్‌కి ఎదురుగా ఉన్న అనసూయ.. స్టేజ్ మీదికి వచ్చి యాంకర్ సుమ కాళ్లకి నమస్కారం పెట్టుకుని వెళ్లింది. ఇక సనారే మాట్లాడుతూ.. ‘నేను అనసూయ కాళ్లపై పడింది వాళ్ల వయసు చూసి కాదు.. వాళ్ల అనుభవం చూసి.. వాళ్ల నుంచి నేర్చుకోవడం కోసమే.. పైన పటారం లోన లొటారం సాంగ్ రాయడానికి ప్రేరణ ఏంటి అంటే.. చిన్న వయసు నుంచి గాయాలు తగిలినప్పుడు వాటిని వదల్లేం. కొన్ని జ్ఞాపకాలను మర్చిపోతే బతకగలం.. కొన్ని గాయాలను మర్చిపోకపోతేనే ఎదగగలం. అలాంటి గాయాలు నా జీవితంలో జరిగాయి వాటి ప్రేరణతోనే ఈ సాంగ్ రాశా. ఈ పాటలో లిరిక్స్ ఎలా అర్థం చేసుకున్నారో నాకు తెలియదు కానీ.. చందమామలో కూడా మచ్చని చూడొచ్చు కొంతమంది అలా చూశారన్నమాట. నా ఉద్దేశంలో ఈ పాట నిండు జాబిలి లాంటిది’ అంటూ చెప్పుకొచ్చిన సనారే.. తన తల్లిని సోదరుడ్ని స్టేజ్ మీదికి పిలిచి ఎమోషనల్ అయ్యాడు. మొత్తంగా ‘చావు కబురు చల్లగా’ ప్రీ రిలీజ్ ఈవెంట్‌లో ఈ కుర్ర రైటర్ హాట్ టాపిక్ అయ్యాడు.

from Telugu Movie News | Movie News in Telugu | Movie Gossips in Telugu https://ift.tt/3rAq9XY
v