అలా ఎవరైనా అంటే సగం మీసం తీసి.. రాజేంద్ర ప్రసాద్ మడత కాజా.. రామ్ నవ్వు!

నటకిరీటి డాక్టర్ రాజేంద్ర ప్రసాద్ టైటిల్ రోల్ పోషించిన చిత్రం ‘గాలి సంపత్’. శ్రీవిష్ణు, లవ్‌లీ సింగ్ జంటగా నటించిన ఈ చిత్రానికి అనీష్ దర్శకత్వం వహించారు. ఎస్.కృష్ణ కథ అందించగా.. ప్రముఖ దర్శకుడు అనిల్ రావిపూడి స్క్రీన్‌ప్లే అందించారు. అలాగే, దర్శకత్వ పర్యవేక్షణ కూడా చేశారు. అనిల్ రావిపూడి సమర్పణలో ఇమేజ్ స్పార్క్ ఎంటర్‌టైన్మెంట్స్, షైన్ స్క్రీన్స్ బ్యానర్లపై ఎస్.కృష్ణ, సాహు గారపాటి, హరీష్ పెద్ది ఈ సినిమాను నిర్మించారు. అచ్చు రాజమణి సంగీతం సమకూర్చారు. ఇప్పటి వరకు తెలుగు సినిమాలో రాని వైవిధ్యమైన కాన్సెప్ట్‌తో రూపొందిన ఈ చిత్రాన్ని మార్చి 11న ప్రపంచ వ్యాప్తంగా విడుదల చేస్తున్నారు. ఈ సందర్భంగా చిత్ర ప్రచారంలో భాగంగా ఆదివారం ‘గాలి సంపత్’ ప్రీ రిలీజ్ ఈవెంట్‌ను హైదరాబాద్‌లో నిర్వహించారు. ఈ ఈవెంట్‌కు ఎనర్జిటిక్ స్టార్ రామ్ పోతినేని చీఫ్ గెస్ట్‌గా హాజరయ్యారు. అలాగే, ‘గాలి సంపత్’ చిత్ర యూనిట్ మొత్తం పాల్గొంది. ఈ సందర్భంగా రాజేంద్ర ప్రసాద్ మాట్లాడుతూ.. తనను నటుడిగా నిలబెట్టిన మొదటి సినిమా ‘లేడీస్ టైలర్’ రామ్ సొంత బ్యానర్ స్రవంతి మూవీస్‌లో చేశానని అన్నారు. వెంటనే రామ్.. ‘నాకు సంబంధంలేదు. అప్పటి నేను పుట్టలేదు’ అని సరదాగా అన్నారు. అయితే, తాను ఆ రోజుల్లో జీవితంలో ఎదగడానికి కారణమైన సినిమా ‘లేడీస్ టైలర్’ అని.. ఆ సినిమా లేకపోతే ఈరోజు తాను లేనని అన్నారు రాజేంద్ర ప్రసాద్. అందుకని, రామ్ తండ్రి, పెదనాన్నకు చెప్పాల్సిన థాంక్స్ రామ్‌కు చెప్తున్నానని అన్నారు. ఇక ‘గాలి సంపత్’ గురించి మాట్లాడుతూ.. ఈ జన్మాంతరం గుర్తుంచుకునే మంచి కథను ఎస్.కృష్ణ తన కోసం రాశారని రాజేంద్ర ప్రసాద్ కొనియాడారు. తండ్రీకొడుకులుగా శ్రీవిష్ణు, తాను పాత్రల్లో జీవించామని ఆయన అన్నారు. ‘‘ఈ సినిమా చూసిన తరవాత ఎవడన్నా మేమిద్దం నటించాము అని అంటే గనక నేను ఒక పక్క మీసం తీసుకుని తిరుగుతానని చెప్పను. టోటల్‌గా తీస్తే బెటర్’’ అని రాజేంద్ర ప్రసాద్ తన స్టైల్లో మడత కాజా ఇచ్చారు. 43 ఏళ్ల తరవాత కూడా తనకు చితక్కొట్టేసే పాత్రలు ఇస్తున్నారని.. అలాంటి పాత్రలకు ఒక మంచి కంపెనీ అవసరమని రాజేంద్ర ప్రసాద్ వెల్లడించారు. అలాంటి కంపెనీ శ్రీవిష్ణు నుంచి తనకు దొరికిందన్నారు. ఈ సినిమాలో ఎవ్వరూ నటించలేదని.. తనకు కంపెనీ ఇచ్చారని నటీనటులందరినీ పేరుపేరున గుర్తుచేసుకున్నారు ఆర్పీ. ఇక ఈ సినిమాకు సంగీతం అందించిన అచ్చు రాజమణి.. తన కుమార్తెతో చిన్నప్పుడు మద్రాసులో కలిసి చదువుకున్నాడని చెప్పారు. ‘గాలి సంపత్’ సినిమా తన జీవితంలో ఒక ఆణిముత్యం అని చెప్పి రాజేంద్ర ప్రసాద్ ముగించారు.

from Telugu Movie News | Movie News in Telugu | Movie Gossips in Telugu https://ift.tt/3ruKL3G
v