'నచ్చావులే' సినిమాతో హీరోయిన్గా తెలుగు ప్రేక్షకులకు పరిచయమైన .. ఆ తర్వాత కొన్ని సినిమాల్లో నటించి పొలిటికల్ జర్నీ మొదలుపెట్టిన సంగతి తెలిసిందే. బీజీపీ తీర్థం పుచ్చుకున్న ఆమె.. అప్పటినుంచి సోషల్ మీడియాలో యమ యాక్టివ్గా ఉంటూ సమాజ పరిస్థితులపై స్పందిస్తున్నారు. తన ఉద్దేశాన్ని బయటపెట్టడంలో ఏ మాత్రం వెనకడుగేయకుండా సంచలన వ్యాఖ్యలు చేస్తున్న మాధవీలత.. తాజాగా పలు పార్టీల పేర్లు చెబుతూ తనను ట్రోల్ చేస్తున్న వారికి సీరియస్ వార్నింగ్ ఇచ్చింది. గత కొన్ని రోజులుగా సోషల్ మీడియాలో మాధవీలత తెగ హల్చల్ చేస్తోంది. ఆంధ్రప్రదేశ్లో దేవాలయాలపై జరుగుతున్న దాడులపై మాధవీ పెట్టిన పోస్ట్లు నెట్టింట వైరల్ కావడంతో ఆమెపై ట్రోలింగ్ నడుస్తోంది. ఈ ట్రోలింగ్పై గురువారం రోజు సీపీ సజ్జనార్ని కలిసి ఫిర్యాదు చేసింది మాధవీలత. తనపై జరుగుతున్న ట్రోలింగ్, అసభ్యకర పోస్టుల కారణంగా మానసికంగా కృంగిపోతున్నానని.. ఇలాంటి అభ్యంతరకర చర్యలకు పాల్పడుతున్న వారిపై చర్యలు తీసుకోవాలని ఆమె కోరింది. ఈ సందర్భంగా మీడియాతో మాట్లాడిన మాధవీలత.. తనను ట్రోల్ చేస్తున్న వారిపై తీవ్ర స్థాయిలో మండిపడింది. సమాజంలోని అసమానతలు, స్త్రీలపై జరుగుతున్న అన్యాయాలను ఖండిస్తూ ఓ రేంజ్లో ఫైర్ అయింది. కొంతమంది సోషల్ మీడియాను వేదికగా చేసుకొని ఆడవాళ్లపై మరీ ముఖ్యంగా సినిమా నటీమణులపై అసభ్యకర కామెంట్స్ చేస్తూ డబ్బులు సంపాదించుకుంటున్నారని చెప్పుకొచ్చింది. తాను పాలిటిక్స్ లోకి వచ్చినప్పటి నుంచి టీఆర్ఎస్, వైసీపీ, కాంగ్రెస్, టీడీపీ పార్టీలు తనను టార్గెట్ చేశాయని మాధవీలత తెలిపింది. కొన్ని గ్రూపులు తనపై కక్షగట్టి దుష్ప్రచారం చేస్తున్నారని వాపోయింది. ''రాడ్లు దింపుతారట, రోడ్డుపై కనిపిస్తే కొడతారట.. చంపుతామని బెదిరిస్తున్నారు. అయినా నేను ఎవ్వడికీ భయపడే సమస్యే లేదు. అవసరమైతే గన్ లైసెన్స్ కూడా తీసుకుంటాను. నా ప్రాణం మీదికొస్తే చంపడానికైనా వెనకాడను. నేను హిందువునని గర్వంగా చెప్పుకుంటున్నా. దేవాలయాలపై జరుగుతున్న దాడిపై ఓ హిందువులా ప్రశ్నిస్తే చంపేస్తారా..? నా మీద ట్రోలింగ్ చేసి పిచ్చి పిచ్చి పోస్ట్లు పెట్టిన ఏ ఒక్కరినీ వదిలిపెట్టను. రాజ్యాంగం స్త్రీకి స్వేచ్ఛ, స్వాతంత్య్రం కల్పించింది. నా జోలికొస్తే నేను చేతులు ముడుచుకొని కూర్చోను అంటూ సీరియస్ వార్నింగ్ ఇచ్చింది మాధవీలత.
from Telugu Movie News | Movie News in Telugu | Movie Gossips in Telugu https://ift.tt/3cEZnJf
v
No comments:
Post a Comment