మరో రెండు రోజుల్లో అనగా ఫిబ్రవరి 17వ తేదీన తెలంగాణ రాష్ట్ర ముఖ్యమంత్రి కేసీఆర్ తన 67వ పుట్టినరోజు జరుపుకోనున్నారు. ఈ రోజున ఆయన పుట్టినరోజును ఘనంగా నిర్వహించేందుకు గాను రాష్ట్రవ్యాప్తంగా టీఆర్ఎస్ పార్టీ నాయకులు పలు ఏర్పాట్లు చేస్తున్నారు. ఈ సందర్భంగా ఎంపీ జోగినపల్లి సంతోష్ కుమార్ మరో బృహత్తర కార్యక్రమానికి శ్రీకారం చుట్టబోతున్నారు. ఈ విషయాన్ని తెలిపిన యాంకర్ .. ఇందులో అంతా భాగం కావాలని పిలుపునిస్తూ ఓ వీడియో షేర్ చేశారు. ఎంపీ జోగినపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్ ప్రస్తుతం సక్సెస్ఫుల్గా సాగుతోంది. పలువురు సినీ, రాజకీయ సెలబ్రిటీలు ఈ కార్యక్రమంలో భాగమవుతూ తమవంతుగా మొక్కలు నాటుతున్నారు. మొక్కలు నాటడం వల్ల భవిష్యత్ తరాలకు మంచి వాతావరణం ప్రసాదించిన వచ్చని, ఈ కార్యక్రమంలో ప్రతిఒక్కరూ భాగమై మొక్కలు నాటాలని పలువురు ప్రముఖులు చెబుతున్నారు. ఈ గ్రీన్ ఇండియా ఛాలెంజ్లో భాగంగానే కేసీఆర్ పుట్టినరోజు సందర్భంగా కోటి మొక్కలను నాటే కార్యక్రమాన్ని చేపట్టబోతున్నారు. ఇందుకు సంబంధించిన సమాచారాన్ని తెలుపుతూ ఓ వీడియో ద్వారా సందేశం ఇచ్చారు యాంకర్ అనసూయ. ''ఈ రాష్ట్రం నాకు ఏమి ఇచ్చిందని కాదు. ఈ రాష్ట్రానికి నేను ఏం ఇచ్చాను అని ఆలోచిస్తున్నారా.. అయితే రండి. మన భావితరాల కోసం గ్లోబల్ వార్మింగ్, కాలుష్యాన్ని తగ్గించేందుకు మనవంతు ప్రయత్నంగా ఫిబ్రవరి 17న సందర్భంగా నిర్వహిస్తున్న కోటి వృక్షార్చనలో పాల్గొందాం. ఒక్కొక్కరం మూడు మొక్కలను నాటుదాం. ఈ సంకల్పంలో పాల్గొనాలనుకునేవారు వెంటనే మీ డీటైల్స్ వాట్సాప్ చేయండి'' అని పేర్కొంటూ వాట్సాప్ నంబర్ ఇచ్చారు అనసూయ. మరోవైపు ఈ బృహత్తర కార్యక్రమానికి సూపర్ స్టార్ మహేష్ బాబు సైతం మద్దతు తెలిపారు. కూతురు సితార, కొడుకు గౌతమ్, మహేష్ బాబు మొక్కలు నాటుతున్న దృశ్యాలతో కూడిన వీడియో షేర్ చేస్తూ ''గ్లోబల్ వార్మింగ్ను తగ్గించడానికి మన దగ్గర ఉన్న ఏకైక మార్గం మొక్కలు నాటడమే'' అని ట్వీట్ చేశారు.
from Telugu Movie News | Movie News in Telugu | Movie Gossips in Telugu https://ift.tt/3rTw0Hj
v
No comments:
Post a Comment