తమ కెరీర్కు బూస్ట్ ఇచ్చుకోవడానికి, స్టార్ డమ్ సంపాదించుకోవడానికి ప్రతి ఒక్క హీరో పక్కా కమర్షియల్ సినిమాలు చేయాలని చూస్తుంటారు. కానీ, టాలీవుడ్లో చాలా కొద్ది మంది హీరోలు మాత్రమే వైవిధ్యమైన స్క్రిప్ట్లతో ప్రతిసారీ ప్రేక్షకులను ఆకట్టుకుంటున్నారు. అలాంటి హీరోల్లో శ్రీవిష్ణు ఒకరు. నవలలు లాంటి కథలను ఎంపిక చేసుకుంటూ సినిమాలు చేస్తున్న ఈ విలక్షణ నటుడు మరో ఆసక్తికర ప్రాజెక్ట్ను అంగీకరించారు. ‘బాణం’ సినిమాతో దర్శకుడిగా పరిచయమై విమర్శకుల ప్రశంసలు అందుకున్న దర్శకుడు చైతన్య దంతులూరి ఈ చిత్రానికి దర్శకత్వం వహిస్తున్నారు. శ్రీవిష్ణుని మునుపెన్నడూ చూడని పాత్రలో చూపించడానికి అద్భుతమైన కథను సిద్ధం చేశారు. సూపర్ టాలెంటెడ్ టీమ్ నుంచి వస్తోన్న ఈ సూపర్ స్పెషల్ ఫిలింకి ‘భళా తందనాన’ అనే టైటిల్ పెట్టారు. ఈ సినిమాలో శ్రీవిష్ణు సరసన కేథరిన్ త్రెసా హీరోయిన్గా నటిస్తున్నారు. ఇక ‘కె.జి.యఫ్’లో గరుడగా నటించి మెప్పించిన రామచంద్రరాజు ఈ సినిమాలో విలన్గా నటిస్తున్నారు. సాయి కొర్రపాటి సమర్పణలో వారాహి చలన చిత్రం బ్యానర్పై రజనీ కొర్రపాటి ఈ చిత్రాన్ని నిర్మిస్తున్నారు. మెలొడీ బ్రహ్మ మణిశర్మ సంగీతం సమకూరుస్తుండగా సురేష్ రగుతు సినిమాటోగ్రఫీ అందిస్తున్నారు. శ్రీకాంత్ విస్సా రచయితగా వ్యవహరిస్తోన్న ఈ సినిమాకు మార్తాండ్ కె వెంకటేష్ ఎడిటర్. గాంధీ నడికుడికర్ ఆర్ట్ డైరెక్టర్. ‘భళా తందనాన’ సినిమాను మంగళవారం పూజా కార్యక్రమంతో లాంఛనంగా ప్రారంభించారు. ముహూర్తపు సన్నివేశానికి ప్రముఖ రచయిత, శ్రీశైల దేశస్థానం మాజీ ప్రధాన సలహాదారు పురాణపండ శ్రీనివాస్ క్లాప్ నివ్వగా, ఎస్.ఎస్.రాజమౌళి కెమెరా స్విచ్చాన్ చేశారు. స్క్రిప్టును శ్రీవల్లి (కీరవాణి సతీమణి), రమ (రాజమౌళి సతీమణి) సంయుక్తంగా అందించారు. ఈ పూజా కార్యక్రమంలో హీరో నారా రోహిత్, నిర్మాతలు సాహు గారపాటి, హరీష్ పెద్ది పాల్గొన్నారు. మార్చి నుంచి ఈ సినిమా రెగ్యులర్ షూటింగ్ ప్రారంభమవుతుంది.
from Telugu Movie News | Movie News in Telugu | Movie Gossips in Telugu https://ift.tt/3dlmYyS
v
No comments:
Post a Comment