శివానీ రాజశేఖర్ ‘WWW’ టీజర్‌ను రిలీజ్ చేసిన మహేష్ బాబు

‘118’ వంటి సూప‌ర్‌ హిట్ చిత్రాన్ని తెర‌కెక్కించిన ప్రముఖ సినిమాటోగ్రాఫ‌ర్ కేవీ గుహన్ ద‌ర్శకత్వంలో రూపొందుతోన్న లేటెస్ట్ మిస్టరీ థ్రిల్లర్ ‘WWW’ (ఎవ‌రు, ఎక్కడ‌, ఎందుకు). అథిత్ అరుణ్‌, శివానీ రాజ‌శేఖ‌ర్ హీరోహీరోయిన్లుగా న‌టిస్తున్న ఈ చిత్రాన్ని రామంత్ర క్రియేష‌న్స్ ప‌తాకంపై డా. ర‌వి పి. రాజు దాట్ల నిర్మిస్తున్నారు. మ‌క‌ర సంక్రాంతి సంద‌ర్భంగా ‘WWW’ మూవీ టీజ‌ర్‌ను సూప‌ర్‌ స్టార్ మ‌హేష్ బాబు విడుద‌ల చేశారు. ‘WWW’ టీజర్‌ను ట్విట్టర్ ద్వారా విడుదల చేసిన .. చిత్ర యూనిట్‌కు శుభాకాంక్షలు తెలిపారు. ఆ తరవాత టీజర్ గురించి మాట్లాడుతూ.. ‘‘నాకు ఇష్టమైన టెక్నీషియ‌న్స్‌లో కేవీ గుహ‌న్ గారు ఒక‌రు. ఆయ‌న‌తో చాలా మంచి సినిమాల‌కు వ‌ర్క్‌ చేశాను. ఇప్పుడు ఆయ‌న ద‌ర్శక‌త్వం వ‌హించిన ‘WWW’ టీజ‌ర్ విడుదల చేయ‌డం సంతోషంగా ఉంది. టీజ‌ర్ చూశాను చాలా బాగుంది. సినిమా త‌ప్పకుండా హిట్ అవ్వాల‌ని కోరుకుంటున్నాను. టీమ్ అంద‌రికీ నా బెస్ట్ విషెస్‌’’ అని అన్నారు. ద‌ర్శకుడు కేవీ గుహ‌న్ మాట్లాడుతూ.. ‘‘టెక్నీషియ‌న్స్‌కి ఎంతో గౌర‌వం ఇచ్చే మంచి వ్యక్తి మ‌హేష్‌ బాబు గారు. మ‌హేష్‌ గారితో ‘అత‌డు’, ‘సీతమ్మ వాకిట్లో సిరిమల్లె చెట్టు’, ‘దూకుడు’ వంటి బ్లాక్ బ‌స్టర్స్‌కి వ‌ర్క్ చేశాను. ఆయ‌న‌తో వ‌ర్క్ చేయ‌డం ఎప్పుడూ హ్యాపీగా ఉంటుంది. అలానే నేను ద‌ర్శక‌త్వం వ‌హించిన మొద‌టి చిత్రం ‘118’ చూసి న‌న్ను అభినందిస్తూ ట్వీట్ చేశారు. నా మీద అభిమానంతో ‘WWW’ టీజ‌ర్ విడుద‌ల చేయ‌డం చాలా సంతోషంగా ఉంది. ఇది ఈ చిత్రం విజ‌యానికి శుభ‌సూచికం’’ అని అన్నారు. చిత్ర నిర్మాత డా. ర‌వి పి.రాజు దాట్ల మాట్లాడుతూ.. ‘‘మా రామంత్ర క్రియేష‌న్స్ బేన‌ర్‌లో రూపొందుతోన్న ఫ‌స్ట్ మూవీ ‘WWW’. మా మొద‌టి సినిమా టీజ‌ర్‌ మ‌హేష్ బాబు గారి లాంటి సూప‌ర్‌ స్టార్ లాంచ్ చేయ‌డం ఆనందంగా, గ‌ర్వంగా ఉంది. మ‌హేష్ బాబు గారి గోల్డెన్ హ్యాండ్‌తో రిలీజైన మా టీజ‌ర్‌కు చాలా మంచి రెస్పాన్స్ వ‌స్తోంది. గుహ‌న్ గారు ఈ సినిమాని అద్భుతంగా తెర‌కెక్కించారు. ఈ మూవీ చాలా పెద్ద హిట్ అవుతుంద‌ని న‌మ్మకం ఉంది’’ అని అన్నారు. హీరో అథిత్ అరుణ్ మాట్లాడుతూ.. ‘‘ఎంతో మందికి స్ఫూర్తి అయిన సూప‌ర్‌ స్టార్ మ‌హేష్‌ బాబు గారు మా ‘WWW’ టీజ‌ర్ లాంచ్ చేయ‌డం నా అదృష్టంగా భావిస్తున్నాను. ఆయ‌న‌కి నా కృత‌జ్ఞత‌లు. గుహ‌న్ గారు ఈ సినిమా ఎంతో థ్రిల్లింగ్‌గా తీశారు’’ అని అన్నారు. హీరోయిన్ శివానీ రాజ‌శేఖ‌ర్ మాట్లాడుతూ.. ‘‘నాన్న గారికి మ‌హేష్‌ బాబు గారికి మంచి అనుభందం ఉంది. మా అంద‌రికీ మ‌హేష్‌ బాబు అంటే చాలా ఇష్టం. నా తొలి చిత్రం టీజ‌ర్ మ‌హేష్‌ బాబు గారు లాంచ్ చేయ‌డం చాలా థ్రిల్‌గా ఉంది’’ అని అన్నారు. ఇంకా ఈ సినిమాలో ప్రియదర్శి, వైవా హర్ష తదితరులు నటిస్తున్నారు. ఈ చిత్రానికి సిమన్ కె. కింగ్ సంగీతం సమకూరుస్తున్నారు. తమ్మిరాజు ఎడిటర్. మిర్చి కిరణ్ డైలాగులు రాశారు. రామజోగయ్య శాస్త్రి, అనంత శ్రీరామ్ పాటలు రాశారు. క‌థ‌, స్క్రీన్ ప్లే, సినిమాటోగ్రఫి, ద‌ర్శక‌త్వం కేవీ గుహ‌న్‌.

from Telugu Movie News | Movie News in Telugu | Movie Gossips in Telugu https://ift.tt/3qkaPxn
v