వైవిధ్యభరితమైన కథలను ఎంచుకుంటూ వెండితెరపై తనకంటూ ఓ ప్రత్యేక స్థానం ఏర్పర్చుకున్న నాచురల్ స్టార్ ప్రస్తుతం '' మూవీ చేస్తున్న సంగతి తెలిసిందే. పక్కా ఫ్యామిలీ ఎంటర్టైనర్గా కమర్షియల్ ఎలిమెంట్స్ జోడించి ఈ సినిమా రూపొందిస్తున్నారు డైరెక్టర్ శివ నిర్వాణ. 'నిన్ను కోరి' మూవీ తర్వాత నాని- శివ నిర్వాణ సక్సెస్ఫుల్ కాంబోలో రాబోతున్న ఈ సినిమా కోసం ఆతృత వెయిట్ చేస్తోంది ప్రేక్షకలోకం. ఈ నేపథ్యంలో తాజాగా నాని ఫ్యాన్స్కి గుడ్ న్యూస్ అంటూ ఈ సినిమా విడుదల తేదీ ప్రకటించారు మేకర్స్. ఈ ఏడాది ఉగాది కానుకగా ఏప్రిల్ 16వ తేదీన 'టక్ జగదీష్' మూవీని రిలీజ్ చేస్తున్నట్లు ప్రకటిస్తూ కొత్త పోస్టర్ రిలీజ్ చేశారు. ఏప్రిల్ 13న తెలుగు సంవత్సరం సెలబ్రేషన్స్ చేసుకున్నాక మూడు రోజులకే 'టక్ జగదీష్' రూపంలో మరో సెలబ్రేషన్ ఉంటుందని మేకర్స్ తెలిపారు. ఈ మేరకు తాజాగా విడుదల చేసిన ఈ పోస్టర్లో కుటుంబ వేడుకలో ఎంతో సంతోషంగా నాని భాగమైనట్లు చూపిస్తూ ఫ్యామిలీ ఆడియన్స్ని అట్రాక్ట్ చేశారు. ఇటీవలే క్రిస్మస్ కానుకగా విడుదల చేసిన ఈ సినిమా ఫస్ట్లుక్ పోస్టర్ ప్రేక్షకుల నుంచి విశేష స్పందన తెచ్చుకొని సినిమాపై హైప్ క్రియేట్ చేసింది. ఆ పోస్టర్లో.. భోజనం ముందు కూర్చొని వెనక నుంచి కత్తి తీస్తున్నట్లుగా ఊర మాస్ లుక్లో నానిని చూపించిన మేకర్స్ తాజా పోస్టర్లో క్లాస్ లుక్లో నానిని ప్రేక్షకుల ముందుంచడం ఆసక్తికర అంశం. ఈ మూవీలో జగదీష్ నాయుడుగా నాని పవర్ఫుల్ రోల్ పోషిస్తున్నారు. షైన్ స్క్రీన్స్ బ్యానర్పై సాహు గారపాటి, హరీష్ పెద్ది నిర్మాణంలో తెరకెక్కనున్న ఈ సినిమాలో నాని సరసన రీతూ వర్మ, ఐశ్వర్య రాజేష్ హీరోయిన్లుగా నటిస్తున్నారు. జగపతిబాబు, రావు రమేశ్, నాజర్, నరేశ్ ప్రధాన పాత్రల్లో నటిస్తున్నారు. థమన్ సంగీతం అందిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2LDKbAr
v
No comments:
Post a Comment