నటుడు కాదంబరి కిరణ్ ఆధ్వర్యంలోని చిత్రపురి కాలనీ కమిటీ సభ్యులు సోమవారం మెగాస్టార్ చిరంజీవిని కలిశారు. కొత్తగా ఎన్నికైన చిత్రపురి కమిటీ సభ్యులు ఇంటికి వెళ్లి ఆయన ఆశీస్సులు తీసుకున్నారు. ఈ సందర్భంగా కమిటీ సభ్యులను చిరంజీవి అభినందించి, చిత్రపురి కాలనీ అభివృద్ధి గురించి అడిగి తెలుసుకున్నారు. చిత్ర పరిశ్రమ తరుఫున తన మద్దతు కొత్త కమిటీకి ఉంటుందని, కాలనీ సమస్యలు ఏవైనా ఉంటే తాను ముందుండి ప్రభుత్వం దృష్టికి తీసుకెళ్తానని చిరంజీవి హామీ ఇచ్చారు. అలాగే, తన కోడలు ఉపాసనతో మాట్లాడి చిత్రపురిలో మంచి హాస్పిటల్ నిర్మాణానికి సహకారం అందిస్తానని, ప్రాజెక్ట్ రిపోర్ట్ తయారు చేసుకుని రావాలని చిరంజీవి వారికి చెప్పారు. సందర్భం ఉన్నప్పుడు చిత్రపురి కాలనీని సందర్శిస్తానని కూడా మెగాస్టార్ కమిటీ సభ్యులతో అన్నారు. చిరంజీవితో దాదాపు అరగంట పాటు చిత్రపురి కాలనీ సెక్రటరీ కాదంబరి కిరణ్, ప్రెసిడెంట్ వల్లభనేని అనిల్, వినోద్ బాలా, దీప్తి వాజ్ పేయి, అనిత నిమ్మగడ్డ, లలిత, రామకృష్ణ ప్రసాద్, అళహరి ముచ్చటించారు. తమకు అండగా ఉండేందుకు ముందుకొచ్చిన చిరంజీవికి చిత్రపురి కమిటీ సభ్యులు కృతజ్ఞతలు తెలిపారు. చిరంజీవితో భేటీ అనంతరం కాదంబరి కిరణ్ మీడియాతో మాట్లాడారు. ‘‘తమ్ముళ్లూ ఎలా ఉన్నారు అని పలకరించే మా అన్నయ్య చిరంజీవి గారిని ఇవాళ కలవడం ఆనందంగా ఉంది. చిత్రపురి కొత్త కమిటీగా ఎన్నికయ్యాక అన్నయ్య చిరంజీవి గారిని కలవాలని అనుకున్నాం. ఇవాళ వారి ఆశీస్సులు తీసుకున్నాం. చిత్రపురి కాలనీలో మంచి హాస్పిటల్ నిర్మాణం జరగాలని మూడు నాలుగేళ్లుగా తిరుగుతున్నాను. అప్పుడు ఎంతో ప్రయత్నించి వైద్య శాఖా మంత్రి లక్ష్మారెడ్డి గారిని చిత్రపురికి తీసుకొచ్చాం. మొన్న పవన్ కళ్యాణ్ గారిని కలిసినప్పుడు కూడా ఆయనకు ఆస్పత్రి గురించి చెప్పాం. ఆయన తన వంతు సహకారం కచ్చితంగా అందిస్తానని అన్నారు. ఇప్పుడు అదే విషయాన్ని మెగాస్టార్ చిరంజీవి గారికి చెప్పాం. ఉపాసన గారితో చిత్రపురిలో ఆస్పత్రి విషయం మాట్లాడతాను అన్నారు. చిరంజీవి గారికి కృతజ్ఞతలు చెబుతున్నాం’’ అని అన్నారు.
from Telugu Movie News | Movie News in Telugu | Movie Gossips in Telugu https://ift.tt/38S3bEv
v
No comments:
Post a Comment