‘స్వాతిలో ముత్యమంత’.. అల్లరి నరేష్ రీమిక్స్ వీడియో సాంగ్.. ఎంతైనా బాలయ్య బాలయ్యే!!

‘బంగారు బుల్లోడు’.. 1993లో వచ్చిన ఈ సినిమా బాలయ్య కెరియర్‌లో బిగ్గెస్ట్ హిట్. నందమూరి బాలకృష్ణ, రమ్య కృష్ణ రవీనా టాండన్ ప్రధాన పాత్రల్లో నటించిన ఈ చిత్రానికి రవిరాజా పినిశెట్టి దర్శకత్వం వహించగా.. జగపతి ఆర్ట్ పిక్చర్స్ బ్యానర్‌లో వి.బి.రాజేంద్ర ప్రసాద్ నిర్మించారు. ఇక ఈ చిత్రానికి రాజ్-కోటి సంగీతం అందించగా.. సాంగ్ ఎవర్ గ్రీన్ క్లాసిక్ హిట్ సాంగ్‌గా నిలిచింది. అయితే 23 ఏళ్ల తరువాత ‘బంగారు బుల్లోడు’ టైటిల్‌తో ప్రేక్షకుల ముందు వస్తున్నారు. అంతేకాదు ఈ చిత్రంలో ‘స్వాతిలో ముత్యమంత’ ఎవర్ గ్రీన్ సాంగ్‌ని రీమిక్స్ చేశారు. ఏకే ఎంటర్‌టైన్‌మెంట్స్‌ పతాకంపై గిరి పాలిక దర్శకత్వంలో రామబ్రహ్మం సుంకర నిర్మిస్తున్న ఈ సినిమాలో అల్లరి నరేష్ జంటగా పూజా జవేరి నటిస్తోంది. తాజాగా విడుదలైన ఈ చిత్ర టైలర్‌కి మంచి రెస్పాన్స్ రాగా.. బుధవారం ఈ చిత్రంలోని ‘స్వాతిలో ముత్యమంత’ రీమిక్స్ వీడియో సాంగ్‌ని విడుదల చేశారు. సాయి కార్తీక్ సంగీతం అందించగా.. యష్ మాస్టర్ కొరియోగ్రఫీ అందించారు. అయితే రీమిక్స్ కాబట్టి పాత క్లాసిక్ సాంగ్‌తో పోలిక తప్పనిసరి కాబట్టి.. ఈ రీమిక్స్ సాంగ్ బాలయ్య సాంగ్‌ని మించి అయితే లేదు. యష్ మాస్టర్ కొరియోగ్రఫీలో అల్లరి నరేష్‌తో మంచి స్టెప్పులే వేయించినా.. పిక్చరైజేషన్‌లో ఓల్డ్ ఈజ్ గోల్డ్ అనేట్టుగానే ఉంది. రేవంత్ వాయిస్ కూడా సెట్ అయినట్టుగా అనిపించలేదు. ఫిమేల్ వాయిస్ పాడిన నడప్రియ పర్వలేదనిపించింది. సాయి కార్తీక్ ట్యూన్స్ కూడా అక్కడక్కడా శృతి తప్పినట్టే అనిపించాయి. అప్పట్లో ఈ సాంగ్‌ని ఎస్పీ బాలు, చిత్ర పాడారు కాబట్టి ఒరిజినల్ ఫ్లేవర్‌ని అయితే తీసుకురాలేకపోయారు యువ గాయకులు. మొత్తానికైతే క్లాసిక్ సాంగ్‌ని మళ్లీ గుర్తు చేసుకునేలా చేశారు అల్లరి నరేష్. ఓల్డ్ ‘బంగారు బుల్లోడు’ ఎంత పెద్ద హిట్ అయ్యిందో.. అప్ కమింగ్ బంగారు బుల్లోడు కూడా పెద్ద హిట్ కావాలనే కోరుకుందాం.. ఆల్ ది బెస్ట్ అల్లరి నరేష్.

from Telugu Movie News | Movie News in Telugu | Movie Gossips in Telugu https://ift.tt/3oY7Bzo
v