‘మాస్టర్’కు పైరసీ దెబ్బ.. రిలీజ్‌కు కొద్ది గంటల ముందే.. డైరెక్టర్ కనగరాజ్ ఎమోషనల్!

‘దళపతి’ హీరోగా నటించిన ‘మాస్టర్’ సినిమా విడుదలకు కొద్ది గంటల ముందు పైరసీ బారినపడింది. సినిమాకు సంబంధించిన వీడియోలను కొందరు సోషల్ మీడియాలో సర్క్యులేట్ చేస్తున్నారు. కరోనా వైరస్ లాక్‌డౌన్ తర్వాత తమిళ సినీ పరిశ్రమలో విడుదల కాబోతున్న భారీ చిత్రం ‘మాస్టర్’ కావడంతో ఇండస్ట్రీ మొత్తం ఆసక్తిగా ఎదురుచూస్తోంది. ఎన్నో అంచనాలు మధ్య కొద్ది గంటల్లో ప్రేక్షకుల ముందుకు రాబోతున్న తరుణంలో సినిమా పైరసీ బారిన పడటంతో తమిళ సినీ పరిశ్రమ ఒక్కసారిగా షాక్‌కు గురైంది. దీంతో సినిమా పైరసీపై ‘మాస్టర్’ డైరెక్టర్ లోకేష్ కనగరాజ్ భావోద్వేగం చెందారు. ఏడాదిన్న కష్టాన్ని నాశనం చేయొద్దంటూ వేడుకున్నారు. ఈ మేరకు సోమవారం అర్ధ రాత్రి ట్వీట్ చేశారు. ‘‘మిత్రులారా.. ‘మాస్టర్’ సినిమా మీ ముందుకు తీసుకురావడానికి ఏడాదిన్నర పాటు కష్టపడ్డాం. మీరంతా సినిమాను థియేటర్లలో ఆస్వాదిస్తారని భావిస్తున్నా. మాస్టర్ విడుదలకు ఇంకొక్క రోజు మాత్రమే సమయం ఉంది. ఎవరి దగ్గరికైనా సినిమాకు సంబంధించి లీకైన వీడియోలు వస్తే దయచేసి వాటిని ఇతరులకు షేర్ చేయొద్దు. చేతులెత్తి వేడుకుంటున్నా’’ అంటూ లోకేష్ కనగరాజ్ భావోద్వేగంతో ట్వీట్ చేశారు. ఈ నెల 13న మాస్టర్ విడుదల కాబోతున్న విషయం తెలిసిందే. దీంతో విజయ్ ఫ్యాన్స్ కూడా పైరసీకి వ్యతిరేకంగా సోషల్ మీడియాలో పెద్ద ఎత్తున ప్రచారం చేస్తున్నారు. #WeStandWithMaster హ్యాష్ ట్యాగ్‌తో పైరసీ భూతానికి వ్యతిరేకంగా గళం విప్పుతున్నారు.

from Telugu Movie News | Movie News in Telugu | Movie Gossips in Telugu https://ift.tt/35tGJ2o
v