‘అల.. వైకుంఠపురములో..’ లాంటి ఇండస్ట్రీ హిట్ తరవాత స్టైలిష్ స్టార్ చేస్తున్న సినిమా ‘పుష్ప’. ‘రంగస్థలం’ లాంటి వైవిధ్యమైన చిత్రం తరవాత క్రియేటివ్ డైరెక్టర్ సుకుమార్ దర్శకత్వంలో రూపొందుతోంది ‘పుష్ప’. ‘ఆర్య’, ‘ఆర్య 2’ తరవాత అల్లు అర్జున్, సుకుమార్ కాంబినేషన్లో వస్తోన్న మూడో చిత్రమిది. ముత్తంశెట్టి మీడియా సౌజన్యంతో మైత్రీ మూవీ మేకర్స్ బ్యానర్పై నవీన్ యెర్నేని, వై.రవిశంకర్ ఈ చిత్రాన్ని నిర్మిస్తున్నారు. దేవిశ్రీ ప్రసాద్ సంగీతం సమకూరుస్తున్నారు. ఈ చిత్రానికి సంబంధించి ఇప్పటికే విడుదలైన ఫస్ట్ లుక్ పోస్టర్లకు విపరీతమైన స్పందన వచ్చింది. ఆ తరవాత విడుదలైన బన్నీ లుక్, షూటింగ్ అప్డేట్స్ సోషల్ మీడియాలో బాగా ట్రెండ్ అయ్యాయి. ఈ సినిమా ఇటు బన్నీ అభిమానులతో పాటు.. అటు ప్రేక్షకుల్లోనూ భారీ అంచనాలున్నాయి. ప్రస్తుతం తూర్పుగోదావరి జిల్లా మారేడుమిల్లి అటవీ ప్రాంతంలో ‘పుష్ప’ షూటింగ్ శరవేగంగా జరుగుతోంది. ఈ చిత్రీకరణలో అల్లు అర్జున్తో పాటు చిత్రంలోని ఇతర ప్రధాన తారాగణం పాల్గొంటున్నారు. లాక్డౌన్ కారణంగా ఈ సినిమా ఆలస్యం కావడంతో ఎలాగైనా వీలైనంత త్వరగా, మంచి నాణ్యతతో వీలైనంత త్వరగా పూర్తిచేయాలని బన్నీ, సుకుమార్ చూస్తున్నారు. అందుకే, మన్యంలో వణికిస్తోన్న చలిని కూడా లెక్కచేయకుండా తెల్లవారుజామున 4 గంటలకు లేచి షూటింగ్లో పాల్గొంటున్నారట బన్నీ అండ్ టీమ్. ఎంతకష్టమైనా సరే అభిమానులకి, ప్రేక్షకులకి మంచి అవుట్పుట్ ఇవ్వాలనే లక్ష్యంతో ‘పుష్ప’ యూనిట్ అంతా పనిచేస్తున్నారు. ఇదిలా ఉంటే, ‘పుష్ప’ విడుదల తేదీని ఖరారు చేస్తూ చిత్ర నిర్మాణ సంస్థ గురువారం ప్రకటన చేసింది. ఆగస్టు 13న విడుదల చేస్తున్నట్టు కొత్త పోస్టర్ను విడుదల చేసింది. తెలుగుతోపాటు తమిళం, మలయాళం, కన్నడ, హిందీ భాషల్లో ఆగస్టు 13న ‘పుష్ప’ విడుదల కానుంది. ఈరోజు విడుదల చేసిన రిలీజ్ డేట్ పోస్టర్ కూడా చాలా ఆసక్తికరంగా ఉంది. దట్టమైన అడవిలో ఎర్రచందనం తరలించే మిగిలిన బృందంతో అల్లు అర్జున్ రఫ్ లుక్లో కనిపిస్తున్నారు. ఆయన చేతిలో గొడ్డలి, ఆయన లుక్ చాలా రస్టిక్గా ఉంది. ఈ చిత్రంలో బన్నీ సరసన రష్మిక మందన నటిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3oriad2
v
No comments:
Post a Comment