‘వకీల్ సాబ్’ టీజర్ వేళ ట్రెండింగ్‌లో ఎన్టీఆర్.. ఇదేం ‘లైకుల’ గోల!

ఒకప్పుడు సినిమాల్లో రికార్డులు అంటే ఎన్ని రోజులు ఆడింది, ఎంత వసూలు చేసింది, 100 రోజులు ఎన్ని సెంటర్లలో ఆడింది అనే రికార్డులు చెప్పేవారు. కానీ, రోజులు మారాయి. డిజిటల్ యుగం విస్తరించిన తరవాత రికార్డులు కూడా డిజిటల్ మయం అయిపోయాయి. సినిమాలకే కాకుండా ఫస్ట్ లుక్ పోస్టర్లు, టీజర్లు, ట్రైలర్లకు కూడా రికార్డులు పుట్టుకొచ్చాయి. అంతెందుకు హీరోల పుట్టినరోజులకు కూడా రికార్డులే. ఒక టీజర్ కానీ, ట్రైలర్ కానీ విడుదలైతే దానికి యూట్యూబ్ ఎన్ని వ్యూస్ వచ్చాయి.. ఆ వ్యూస్ ఎంత సేపటిలో వచ్చాయి.. ఎన్ని లైకులు వచ్చాయి.. ఇలాంటి లెక్కలన్నీ కట్టీ వాటిని రికార్డులుగా మార్చి ట్విట్టర్‌లో ట్రెండ్ చేస్తున్నారు. ఇలా ట్రెండ్ చేయడం ఇప్పుడో ట్రెండ్. ఈ ట్రెండింగుల్లోనూ హీరోల అభిమానుల మధ్య పోటీ ఎక్కువైపోయింది. ఒకప్పుడు థియేటర్ల వద్ద మీ హీరో గొప్ప అంటే మా హీరో గొప్ప అని కొట్టుకున్న అభిమానులు ఇప్పుడు సోషల్ మీడియా వేదికగా యుద్ధాలు చేస్తున్నారు. పవర్ స్టార్ వెండితెరపై కనిపించి ఇంచుమించుగా మూడేళ్లు అవుతోంది. ఆయన్ని తెరపై ఎప్పుడు చూస్తామా అని అభిమానులు కళ్లలో ఒత్తులు వేసుకుని ఎదురు చూస్తున్నారు. మొత్తం మీద ‘వకీల్ సాబ్’ సినిమాతో వాళ్లను పలకరించడానికి వస్తు్న్నారు పవర్ స్టార్. ఈ లోపల వాళ్లను ఖుషీ చేయడానికి సంక్రాంతి కానుకగా ‘వకీల్ సాబ్’ టీజర్‌ను విడుదల చేశారు. ఈ టీజర్ అద్భుతంగా ఉంది. ప్రస్తుతం ‘వకీల్ సాబ్’ టీజర్ ట్రెండ్ ట్విట్టర్‌లో నడుస్తోంది. #VakeelSaabTEASER అనే హ్యాష్ ట్యాగ్ ఇండియాలోని టాప్ ట్రెండ్స్‌లో ఒకటి. ఒక వైపు ఈ ట్రెండ్‌తో పవన్ అభిమానులు ఎంజాయ్ చేస్తుంటే.. మరోవైపు దీనికి పోటీగా యంగ్ టైగర్ ఎన్టీఆర్ అభిమానులు కొత్త ట్రెండ్ మొదలుపెట్టారు. #KomaramBheemNTR అనే హ్యాగ్‌ను ట్విట్టర్‌లో ట్రెండ్ చేస్తున్నారు. ఇంతకీ ఈ ట్రెండ్ ఎందుకనే మీ డౌటు. యూట్యూబ్‌లో లైకులు వేగంగా ఏ టీజర్‌కి వచ్చాయని అట. ఎన్టీఆర్ RRR కొమరం భీమ్ టీజర్‌కు లైకులు చాలా వేగంగా వచ్చాయట. కానీ ‘వకీల్ సాబ్’ టీజర్ ఆ వేగాన్ని అందుకోలేకపోయిందట. ఇదీ రికార్డు. ఎన్టీఆర్ కొమరం భీమ్ టీజర్‌కు 3 నిమిషాల్లో 50 వేల లైకులు, 6 నిమిషాల్లో లక్ష లైకులు, 18 నిమిషాల్లో రెండు లక్షల లైకులు వచ్చాయట. అయితే, ‘వకీల్ సాబ్’ టీజర్‌కు 3 నిమిషాల్లో 39 వేల లైకులు మాత్రమే వచ్చాయట. అందుకే, తమ హీరో టీజర్‌ను లైకుల విషయంలో ‘వకీల్ సాబ్’ అందుకోలేకపోయాడని #KomaramBheemNTR హ్యాట్ ట్యాగ్‌ను ట్రెండింగ్‌లోకి తీసుకొచ్చారు. మొత్తం మీద ఈ ట్విట్టర్ ట్రెండింగ్ హీరోల అభిమానులకు మంచి మజాను అందిస్తునడంలో ఎలాంటి సందేహం లేదు.

from Telugu Movie News | Movie News in Telugu | Movie Gossips in Telugu https://ift.tt/3sr6HO8
v