మెగాడాటర్ ప్రధాన పాత్రలో కొత్త వెబ్ సిరీస్ శుక్రవారం హైదరాబాద్లో లాంఛనంగా ప్రారంభమైంది. రాయుడు చిత్రాలు బ్యానర్పై భాను రాయుడు దర్శక నిర్మాతగా ఈ వెబ్ సిరీస్ను రూపొందిస్తున్నారు. యూట్యూబర్ నిఖిల్ విజయేంద్ర ఇందులో నటిస్తున్నారు. ప్రముఖ యాంకర్ అనసూయ భరద్వాజ్ కీలక పాత్ర పోషిస్తున్నారు. పెళ్లి తరవాత నిహారిక నటిస్తోన్న తొలి వెబ్ సిరీస్ ఇది. ఈ వెబ్ సిరీస్ పూజా కార్యక్రమాలను నిహారిక కొణిదెల, చైతన్య జొన్నలగడ్డ జ్యోతి ప్రజ్వలన చేసి ప్రారంభిచారు. ప్రముఖ సినీ రచియత విజయేంద్రప్రసాద్, దర్శకుడు వి.వి.వినాయక్ కలిసి దర్శక నిర్మాత భాను రాయుడుకి స్ట్రిప్ట్ను అందించారు. యంగ్ ప్రొడ్యూసర్ హర్షిత్ రెడ్డి బ్యానర్ లోగోను ఆవిష్కరించారు. ఈ సందర్భంగా దర్శక నిర్మాత భాను రాయుడు మాట్లాడుతూ.. ‘‘ప్రస్తుతం డిజిటల్ రంగం ఎంత వేగంగా అభివృద్ధి చెందుతుందో అందరికీ తెలిసిందే. కొత్త కాన్సెప్టులతో వెబ్ సిరీస్లు రూపొందుతున్నాయి. ఆ కోవలో మా రాయుడు చిత్రాలు బ్యానర్పై ఫాంటసీ డ్రామా జోనర్లో వెబ్ సిరీస్ తెరకెక్కించడానికి కథను సిద్ధం చేశాం. ఎవరు సరిపోతారని ఆలోచించాం. నిహారిక గారైతే మా కథకు న్యాయం చేస్తారనిపించి ఆమెను సంప్రదించి కథ వినిపించాం. ఆమె ఓకే చెప్పారు. అలాగే ప్రముఖ యూట్యూబర్ నిఖల్ విజయేంద్ర ఇందులో నటిస్తున్నారు. ప్రముఖ యాంకర్ అనసూయ గారు కీలక పాత్రను పోషిస్తున్నారు. త్వరలోనే మా వెబ్ సిరీస్ షూటింగ్ ప్రారంభం కానుంది’’ అని అన్నారు. ఇంకా ఈ సినిమాలో అస్తా మాలిక్, హారిక, వసంత్ సమీర్ తదితరులు నటిస్తున్నారు. శౌర్యవ్ మాటలు రాస్తున్నారు. ధనుష్ భాస్కర్ సినిమాటోగ్రఫీ అందిస్తున్నారు. కళ్యాణ్ మాలిక్ సంగీతం సమకూరుస్తు్న్నారు.
from Telugu Movie News | Movie News in Telugu | Movie Gossips in Telugu https://ift.tt/3s4f2aj
v
No comments:
Post a Comment