బెల్లంకొండ సాయి శ్రీనివాస్, దర్శకుడు సంతోష్ శ్రీనివాస్ కాంబినేషన్లో వచ్చిన ఔట్ అండ్ ఔట్ ఫ్యామిలీ ఎంటర్టైనర్ ‘అల్లుడు అదుర్స్’ బాక్సాఫీసు వద్ద దూసుకుపోతోంది. సంక్రాంతి కానుకగా ఈనెల 14న విడుదలైన ఈ సినిమా తొలి వారం ముగిసే సరికి రూ.12.25 కోట్ల షేర్ వసూలు చేసింది. దీంతో నాలుగు రోజుల్లోనే ఈ సినిమా లాభాల బాట పట్టింది. నిజానికి ‘అల్లుడు అదుర్స్’ బడ్జెట్ దాదాపుగా రూ.32 కోట్లు. అయితే, సినిమా విడుదలకు ముందే శాటిలైట్, డిజిటల్ రైట్స్ రూ.21 కోట్లకు అమ్ముడుపోయాయి. అంటే, శాటిలైట్, ఇతర నాన్-థియేట్రికల్ రైట్స్ ద్వారా సగానికి పైగా పెట్టుబడి వసూలైంది. ఇప్పుడు సినిమా విడుదలైన నాలుగు రోజుల్లోనే ప్రాఫిట్ జోన్లోకి ఎంటరైపోయింది. ట్రేడ్ ఎనలిస్ట్ల ప్రకారం ‘అల్లుడు అదుర్స్’ సినిమా మరికొన్ని రోజులు ఇదే ఊపును కొనసాగించడం ఖాయం. బెల్లంకొండ శ్రీనివాస్ సరసన నభా నటేష్, అను ఇమ్మానుయేల్ హీరోయిన్లుగా నటించిన ఈ సినిమాలో ప్రకాష్ రాజ్, సోనూ సూద్ ఇతర ముఖ్య పాత్రలు పోషించారు. గంజి రమేష్ కుమార్ సమర్పణలో సుమంత్ మూవీ ప్రొడక్షన్స్ బ్యానర్పై సుబ్రమణ్యం గొర్రెల ఈ చిత్రాన్ని నిర్మించారు. దేవిశ్రీ ప్రసాద్ సంగీతం సమకూర్చారు. చోటా కె నాయుడు సినిమాటోగ్రఫీ అందించారు.
from Telugu Movie News | Movie News in Telugu | Movie Gossips in Telugu https://ift.tt/3qotWX8
v
No comments:
Post a Comment