యావత్తు భారత సినీ పరిశ్రమ ఆసక్తిగా ఎదురుచూస్తోన్న పాన్ ఇండియా మూవీస్లో ‘కె.జి.యఫ్: చాప్టర్ 2’ ఒకటి. కన్నడ రాక్స్టార్ యశ్ హీరోగా సెన్సేషనల్ డైరెక్టర్ ప్రశాంత్ నీల్ దర్శకత్వంలో ఈ సినిమా రూపొందుతోంది. భారీ బడ్జెట్, హై టెక్నికల్ వేల్యూస్తో హోంబలే ఫిలింస్ బ్యానర్పై విజయ్ కిరగందూర్ ఈ చిత్రాన్ని నిర్మిస్తున్నారు. హీరో యశ్ పుట్టినరోజు సందర్భంగా జనవరి 8న ఉదయం 10:18 గంటలకు ‘కె.జి.యఫ్: చాప్టర్ 2’ టీజర్ను విడుదల చేయనున్నట్టు చిత్ర నిర్మాణ సంస్థ ఇప్పటికే ప్రకటించింది. దీంతో యశ్ అభిమానులతో పాటు దేశ వ్యాప్తంగా ఉన్న ‘కె.జి.యఫ్’ ఫ్యాన్స్ ఈ టీజర్ కోసం ఆసక్తిగా ఎదురుచూస్తున్నారు. అయితే, వాళ్లందరికీ సర్ప్రైజ్ ఇస్తూ గురువారం రాత్రి ఈ టీజర్ను విడుదల చేశారు. ప్రేక్షకులు ఊహించిన దాని కంటే మరో స్థాయిలో ఉంది ఈ టీజర్. అన్ని భాషల ప్రేక్షకులకు అర్థమయ్యేలా ఇంగ్లిష్ వాయిస్ ఓవర్తో ఈ టీజర్ను రూపొందించారు. సినిమాకు కీలకమైన పాత్రలన్నింటినీ పరిచయం చేశారు. ఆఖరిలో రాఖీ భాయ్ని చూపించారు. పెద్ద మెషీన్ గన్తో పోలీసు జీపులను గాల్లోకి లేపిన రాఖీ భాయ్.. ఎర్రగా అగ్గిలా మారిన ఆ మెషీన్ గన్ గొట్టంతో సిగరెట్ వెలిగించుకున్నాడు. ఈ సీన్ యశ్ ఫ్యాన్స్కి గూస్ బంప్స్ ఇవ్వడం ఖాయం. బహుశా రేపు ఇతర భాషల వాయిస్ ఓవర్తో టీజర్ను విడుదల చేస్తారేమో చూడాలి. కాగా, ఈ చిత్రాన్ని కన్నడతో పాటు హిందీ, తెలుగు, తమిళం, మలయాళంలో విడుదల చేస్తున్నారు. ప్రముఖ నిర్మాణ సంస్థ వారాహి చలన చిత్రం తెలుగులో ఈ చిత్రాన్ని విడుదల చేస్తుంది. ఇదిలా ఉంటే, రాఖీ భాయ్ని ఢీకొట్టే అధీర పాత్రను బాలీవుడ్ నటుడు సంజయ్ దత్ పోషించారు. మరో కీలక పాత్రలో రవీనా టాండన్ కనిపించనున్నారు. శ్రీనిధి శెట్టి హీరోయిన్గా నటించిన ఈ చిత్రంలో ఇంకా ప్రకాశ్ రాజ్, అనంత్ నాగ్, రావు రమేశ్ కీలక పాత్రలు పోషించారు. భువన్ గౌడ సినిమాటోగ్రఫి అందించిన ఈ చిత్రానికి రవి బస్రూర్ సంగీతం సమకూరుస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/35AIqeP
v
No comments:
Post a Comment