దక్షిణాది సినీ పరిశ్రమలోని అందమైన జంటల్లో స్నేహ, ప్రసన్న జోడి ఒకటి. తమిళ సినీ పరిశ్రమకు చెందిన వీరిద్దరూ ప్రేమించి పెళ్లి చేసుకున్నారు. 2012 స్నేహ, ప్రసన్న వివాహం జరిగింది. ఈ దంపతులకు ఇద్దరు పిల్లలు. 2015లో కొడుకు విహాన్ జన్మించాడు. ఈ ఏడాది జనవరిలో కుమార్తె ఆద్యంతకు స్నేహ జన్మనిచ్చారు. అయితే, ఆద్యంతకు తొలిసారి తలనీలాలు అర్పించే కార్యక్రమాన్ని చెన్నైలోని ప్రసన్న, స్నేహ దంపతుల ఇంట్లో గురువారం ఘనంగా జరిపారు. ఈ శుభకార్యానికి సంబంధించిన ఫొటోలను స్నేహ సోషల్ మీడియా ద్వారా షేర్ చేశారు. ఈ ఫొటోల్లో గుండుతో ఉన్న తన కుమార్తెను ఒడిలో పెట్టుకుని స్నేహ ముద్దాడుతున్నారు. అలాగే, ప్రసన్న తమ కుమారుడు విహాన్తో కలిసి సందడి చేస్తున్నారు. ఈ ఫొటోలన్నీ చాలా అందంగా ఉన్నాయి. స్నేహ తన కుమార్తెతో ఉన్న ఫొటోలను చూసిన సినీ ప్రముఖులు, నెటిజన్లు పాపను ఆశీర్వదిస్తున్నారు. స్నేహది సంప్రదాయబద్ధమైన కుటుంబం అని ప్రశంసలు కురిపిస్తున్నారు. కాగా, ‘తొలివలపు’ సినిమాతో స్నేహ టాలీవుడ్కు పరిచయమయ్యారు. ఈ సినిమాలో గోపీచంద్ సరసన ఆమె నటించారు. అయితే, రెండో సినిమా ‘ప్రియమైన నీకు’తో స్నేహకు మంచి గుర్తింపు వచ్చింది. ఆ తరవాత ‘హనుమాన్ జంక్షన్’, ‘వెంకీ’, ‘రాధాగోపాలం’, ‘శ్రీరామదాసు’, ‘మహారథి’, ‘మధుమాసం’, ‘నీ సుఖమే నే కోరుకున్నా’, ‘పాండురంగడు’, ‘అమరావతి’, ‘రాజన్న’, ‘ఉలవచారు బిర్యానీ’, ‘సన్నాఫ్ సత్యమూర్తి’.. ఇలా పలు సినిమాల్లో నటించి మెప్పించారు. స్నేహ తెలుగులో చివరిగా ‘వినయ విధేయ రామ’ సినిమాలో నటించారు. ఇందులో ప్రశాంత్కు భార్యగా, రామ్ చరణ్కు వదినగా స్నేహ నటించారు. See Photos: ప్రస్తుతం ‘వాన్’ అనే తమిళ చిత్రంలో నటిస్తున్నారు. ఇందులో దుల్కర్ సల్మాన్, కళ్యాణి ప్రియదర్శన్, కృతి కర్బంద, ప్రియా భవాని శంకర్ హీరోహీరోయిన్లుగా చేస్తున్నారు. మరోవైపు స్నేహ భర్త ప్రసన్న కూడా తమిళంలో బిజీ ఆర్టిస్ట్. అడపాదడపా తెలుగులోనూ నటిస్తున్నారు. కిందటేడాది ‘విశ్వామిత్ర’ సినిమాలో ప్రసన్న నటించారు. అంతకు ముందు సాయి ధరమ్ తేజ్ ‘జవాన్’లో కీలక పాత్ర పోషించారు. ప్రసన్న తొలి తెలుగు చిత్రం ‘భాయ్’.
from Telugu Movie News | Movie News in Telugu | Movie Gossips in Telugu https://ift.tt/3om6hpi
v
No comments:
Post a Comment