బుల్లితెర భారీ పాపులర్ షో బిగ్ బాస్ తెలుగు 4 మరో సీజన్ కంప్లీట్ చేసుకోబోతోంది. ఈ వారంతో బిగ్ బాస్ కథ కంచికి చేరనుంది. ఈ నేపథ్యంలో ఏ ఇద్దరు కలిసినా బిగ్ బాస్ ఫైనల్ ఎపిసోడ్ ఏ రేంజ్లో ఉండబోతోంది? ఫైనల్ గెస్ట్గా ఎవరు రాబోతున్నారనే దానిపైనే చర్చించుకుంటున్నారు. మరోవైపు కోసం యాజమాన్యం భారీ ఎత్తున ప్లాన్ చేసిందని, ఎవ్వరూ ఊహించని విధంగా ఈ ఎపిసోడ్ ఉండనుందని వార్తలు వస్తున్న నేపథ్యంలో అందరిలోనూ ఈ ఎపిసోడ్పై క్యూరియాసిటీ మరింత పెరిగింది. ప్రతి ఏడాది ఓ మూడు నెలల పాటు బిగ్ బాస్ సందడితో బుల్లితెరపై ఫుల్ ఎంటర్టైన్మెంట్ ఇస్తున్నారు. బిగ్ బాస్ ప్రారంభమైతే చాలు టీవీలకు అతుక్కుపోతుంటారు జనం. ఈ క్రమంలోనే మధ్యమధ్యలో కొందరు సెలబ్రిటీలను గెస్టులుగా తీసుకొచ్చి ఆడియన్స్ని రీ ఫ్రెష్ చేయడం, అలాగే ఫైనల్ ఎపిసోడ్లో ఓ స్పెషల్ గెస్ట్ చేత బిగ్ బాస్ విన్నర్ని ప్రకటింపజేయడం లాంటివి చేస్తున్నారు. గత సీజన్లో చిరంజీవిని చీఫ్ గెస్టుగా తీసుకొచ్చి రచ్చ చేసిన బిగ్ బాస్ టీమ్.. ఈ సారి కూడా ఓ స్పెషల్ గెస్ట్తో రంగంలోకి దిగుతోందని టాక్. Also Read: డిసెంబర్ 20వ తేదీ ఆదివారం బిగ్బాస్ 4 గ్రాండ్ ఫినాలే జరగబోతోంది. ఈ ఫినాలేకు ముఖ్య అతిథిగా సూపర్ స్టార్ మహేష్ బాబు గానీ, మొదటి సీజన్తో తెలుగు బిగ్ బాస్కి ప్రాణం పోసిన జూనియర్ ఎన్టీఆర్ గానీ, లేదా మరోసారి మెగాస్టార్ చిరంజీవి గానీ రాబోతున్నట్లు తెలుస్తోంది. ఇక ఈ వేడుకలో యంగ్ హీరోయిన్ల అందాలతో హాట్ డోస్ కూడా బాగా పెంచేయాలని ప్లాన్ చేసిందట బిగ్ బాస్ మేనేజ్మెంట్. ఇందుకోసం నివేదా పేతురాజ్, మెహ్రీన్, లక్ష్మీరాయ్ గ్లామరస్ బ్యూటీలను రంగంలోకి దించుతున్నారని సమాచారం. వీరితో స్పెషల్ డాన్స్ పర్ఫార్మెన్స్ ఇప్పిస్తూ రచ్చ రచ్చ చేయనున్నారట బిగ్ బాస్. సో.. చూడాలి మరి బిగ్ బాస్ ఫైనల్ ఏ మేర కిక్కిస్తుందనేది!.
from Telugu Movie News | Movie News in Telugu | Movie Gossips in Telugu https://ift.tt/37hyQi4
v
No comments:
Post a Comment