సుప్రీమ్ హీరో హీరోగా కొత్త దర్శకుడు సుబ్బు దర్శకత్వంలో రూపొందిన ఎంటర్టైనర్ ‘సోలో బ్రతుకే సో బెటర్’. నభా నటేష్ హీరోయిన్గా నటించింది. ప్రముఖ నిర్మాణ సంస్థ శ్రీ వెంకటేశ్వర సినీ చిత్ర (SVCC) బ్యానర్పై బీవీఎస్ఎన్ ప్రసాద్ నిర్మించారు. ఈ సినిమా విడుదల హక్కులను మరో ప్రముఖ నిర్మాణ సంస్థ జీ స్టూడియోస్ సొంతం చేసుకుంది. డిసెంబర్లో ఈ చిత్రాన్ని విడుదల చేయడానికి జీ స్టూడియోస్ సన్నాహాలు చేస్తోంది. ప్రస్తుతం థియేటర్లు తెరుచుకోవడానికి ప్రభుత్వాలు అనుమతించినప్పటికీ 50 శాతం ఆక్యుపెన్సీతో నిర్వహించాలని నిబంధనలు పెట్టాయి. దీంతో రెండు తెలుగు రాష్ట్రాల్లో ఇంకా థియేటర్లు తెరుచుకోలేదు. ఆక్యుపెన్సీని మరింత పెంచుకోవడానికి ప్రభుత్వాలు అనుమతులు ఇస్తాయని ఇండస్ట్రీ వేచి చూస్తోంది. డిసెంబర్లో ఈ అనుమతులు వస్తాయని భావించి ‘సోలో బ్రతుకే సో బెటర్’ విడుదలకు సన్నాహాలు చేస్తున్నారు. చూద్దాం ఏమవుతుందో. కాగా, జీ స్టూడియోస్తో అసోసియేషన్పై హీరో సాయితేజ్ మాట్లాడుతూ.. ‘‘సోలో బ్రతుకే సోబెటర్ సినిమా జర్నీలో జీ స్టూడియోస్తో భాగం కావడం చాలా హ్యాపీగా అనిపిస్తుంది. మంచి ఎంటర్టైనర్గా రూపొందిన ఈ చిత్రం ప్రేక్షకులను తప్పకుండా మెప్పిస్తుంది’’ అని అన్నారు. నిర్మాత బీవీఎస్ఎన్ ప్రసాద్ మాట్లాడుతూ.. ‘‘మా ‘సోలో బ్రతుకే సో బెటర్’ సినిమాను ప్రేక్షకుల ముందుకు తీసుకురావడానికి జీ స్టూడియోస్తో కలిసి ముందుకు రావడం ఆనందంగా ఉంది. థియేటర్స్ను ఓపెన్ చేస్తున్నారని తెలియగానే మా యూనిట్ అంతా చాలా ఎగ్జయిట్ అయ్యాం. ‘సోలో బ్రతుకే సో బెటర్’ అన్ని ఎమోషన్స్ ఉన్న సినిమా. ఫుల్ ప్యాక్డ్ ఎంటర్టైనర్గా ప్రేక్షకులను థియేటర్స్కు రప్పిస్తుంది’’ అని అన్నారు. జీ స్టూడియో సీఈఓ షరీక్ పటేల్ మాట్లాడుతూ.. ‘‘శ్రీవెంకటేశ్వర సినీ చిత్ర వారితో కలిసి ‘సోలో బ్రతుకే సో బెటర్’ సినిమాను విడుదల చేయడం ఎగ్జయిటింగ్గా ఉంది. ఇంతకు ముందు ఇక్కడ మేం విడుదల చేసిన చిత్రాలు మంచి సక్సెస్ను సాధించాయి. అదే కోవలో ‘సోలో బ్రతుకే సో బెటర్’ అందరినీ ఎంటర్టైన్ చేస్తుందని నమ్ముతున్నాం’’ అని అన్నారు. కాగా, ఈ చిత్రానికి తమన్ సంగీతం సమకూర్చారు. వెంకట్ సి. దిలీప్ సినిమాటోగ్రఫీ అందించారు. నవీన్ నూలి ఎడిటర్. Also Read:
from Telugu Movie News | Movie News in Telugu | Movie Gossips in Telugu https://ift.tt/3nAOTwJ
v
No comments:
Post a Comment