బాబీ సింహా హీరోగా ‘వ‌సంత కోకిల‌’.. త్రిభాషా చిత్రంతో వస్తోన్న విలక్షణ నటుడు

ఎస్‌ఆర్‌టి ఎంట‌ర్‌టైన్మెంట్స్, ముద్ర ఫిల్మ్ ఫ్యాక్టరీ బ్యానర్లు సంయుక్తంగా తెలుగు, త‌మిళ, క‌న్నడ భాష‌ల్లో జాతీయ అవార్డు గ్రహీత హీరోగా రూపొందిస్తోన్న ట్రైలింగ్వల్ మూవీ ‘వ‌సంత కోకిల‌’. ప్రముఖ నిర్మాత రామ్ త‌ళ్లూరి నిర్మాణ సార‌ధ్యంలో నూత‌న ద‌ర్శకుడు ర‌మ‌ణ‌న్ పురుషోత్తమ ఈ సినిమాను తెర‌కెక్కిస్తున్నారు. ఈ చిత్రంలో బాబీ సింహాకి జోడిగా ‘@న‌ర్తన‌శాల’ ఫేమ్ కాశ్మీర ప‌ర్ధేశీ హీరోయిన్‌గా న‌టిస్తోంది. నవంబ‌న్ 6న బాబీ సింహా పుట్టిన రోజు సంద‌ర్భంగా హీరో ఈ సినిమా టైటిల్ ‘వ‌సంత కోకిల’ని అనౌన్స్ చేయ‌డంతో పాటు త‌న ట్విట్టర్ ఖాతా ద్వారా ఫ‌స్ట లుక్‌ని కూడా విడుద‌ల చేశారు. అలానే, త‌మిళంకు సంబంధించి స్టార్ హీరో ధ‌నుష్, క‌న్నడలో స్టార్ హీరో ర‌క్షిత్ శెట్టి ఫస్ట్ లుక్ పోస్టర్లను లాంచ్ చేశారు. రొమాంటిక్ థ్రిల్లర్ జాన‌ర్‌‌లో ఈ సినిమా రెడీ అవుతుంది. తాజాగా విడుద‌లైన ఫ‌స్ట్ లుక్‌లో బాబీ సింహా విల‌క్షణ‌త ప్రతిభింబిచేలా చేతిలో బౌ అండ్ యారో, ఫారెస్ట్ బ్యాక్‌డ్రాప్, డార్క్ గ్రీన్ క‌ల‌ర్ టింట్ ఇలా ఎన్నో ఉత్కంఠ రేపే ఎలిమెంట్స్ ఉన్నాయి. సినిమా జాన‌ర్‌కి, బాబీ సింహా అత్యుత్తమ ప‌ర్ఫార్మెన్స్‌కి త‌గిన విధంగానే ద‌ర్శకుడు ర‌మ‌ణ‌న్ ‘వ‌సంత కోకిల’ను తెర‌కెక్కిస్తున్నారని చిత్ర బృందం కాన్ఫిడెంట్‌గా చెబుతోంది. జాతీయ అవార్డు గ్రహీత‌, విల‌క్షణ నటుడు క‌మ‌ల్ హాస‌న్, శ్రీదేవి కాంబినేష‌న్‌లో వ‌చ్చిన ‘వ‌సంత కోకిల’ ఏ స్థాయి విజయం అందుకుందో అంద‌రికీ తెలిసిందే. ఇప్పుడు అదే టైటిల్‌తో తెర‌కెక్కుతున్న సినిమాలో మ‌రో జాతీయ అవార్డు గ్రహీత బాబీ సింహా న‌టించ‌డం విశేషం. థింక్ మ్యూజిక్ ఈ సినిమా ఆడియో రైట్స్ ద‌క్కించుకుంది. ఈ సినిమాకి సంబంధించిన మ‌రిన్ని వివ‌రాలు త్వర‌లోనే అధికారికంగా విడుద‌ల చేస్తామ‌ని నిర్మాత రామ్ త‌ళ్లూరి తెలిపారు. సాంకేతిక వ‌ర్గం ర‌చ‌న, ద‌ర్శక‌త్వం: ర‌మ‌ణ‌న్ పురుషోత్తమ‌ సంగీతం: రాజేశ్ మురుగేశ‌న్ ఛాయాగ్రహణం: గోపీ అమ‌ర‌నాథ్ కూర్పు: వివేక్ హ‌ర్షన్ ప్రొడ‌క్షన్ డిజైన్: నాగ్ రాజ్ ఆర్‌కే యాక్షన్: స్టన్నర్ శామ్, స్టంట్ సిల్వా సాహిత్యం: చంద్రబోస్ మాటలు: రాజేశ్ ఏ మూర్తి Also Read:

from Telugu Movie News | Movie News in Telugu | Movie Gossips in Telugu https://ift.tt/3k1qv5c
v