టాలీవుడ్లో ప్రస్తుతం ఓ విచిత్ర పరిస్థితి నెలకొంది. టాప్ డైరెక్టర్లందరూ అగ్రహీరోలతోనే సినిమాలు చేసేందుకు పోటీ పడుతుండటంతో యువ హీరోల పరిస్థితి అగ్యమగోచరంగా మారింది. రాజమౌళి, సుకుమార్, త్రివిక్రమ్, కొరటాల శివ లాంటి దర్శకులు కేవలం అగ్ర హీరోలతో తప్ప చిన్న హీరోలతో సినిమాలు చేసేందుకు ఆసక్తి చూపడం లేదు. దీంతో మిడ్ రేంజ్ హీరోల మార్కెట్ పెరగడం లేదు. ఈ సమయంలోనే స్టార్ రైటర్ కమ్ డైరెక్టర్ త్రివిక్రమ్ ఖాళీగా ఉన్నాడని తెలుసుకున్న కొందరు యువ హీరోలు ఆయనతో పనిచేసేందుకు పోటీ పడుతున్నారట. ఎన్టీఆర్తో సినిమా చేయాలనుకున్న త్రివిక్రమ్.. ‘ఆర్ఆర్ఆర్’ కారణంగా ఆ ప్రాజెక్ట్ ఆలస్యమవుతుండడంతో ఒక మిడ్ రేంజ్ హీరోతో సినిమా చేసే ఛాన్స్ ఉందని వార్తలు వచ్చాయి. దీంతో ఆయన రామ్తో సినిమా చేయనున్నట్లు ప్రచారం జరిగినా దీనిపై ఎలాంటి అధికారిక సమాచారం రాలేదు. ఈ కోవలోనే త్రివిక్రమ్తో సినిమా చేయాలని మిగిలిన మిడ్ రేంజ్ హీరోలకు ఆశ పుట్టిందట. త్రివిక్రమ్తో సినిమా అంటే కొందరు హీరోలు రెమ్యునరేషన్ కూడా వద్దని చెప్పేస్తున్నారట. త్రివిక్రమ్ గతంలో నితిన్, సమంత జంటగా ‘అ ఆ’ అనే ఫ్యామిలీ ఎంటర్టైనర్ తీయగా అది బ్లాక్బస్టర్ హిట్ సాధించింది. ఆ సినిమా కోసం నితిన్ రెమ్యునరేషన్ కూడా తీసుకోలేదని చెబుతారు. దానితో నితిన్ రేంజ్ కాస్త పెరిగిందనే చెప్పొచ్చు. ఇలాగే కొందరు హీరోలు త్రివిక్రమ్ సినిమా అయితే తమకు రెమ్యునరేషన్ వద్దని చెబుతున్నారట. అయితే త్రివిక్రమ్ మాత్రం ఎన్టీఆర్తో సినిమా కోసమే వెయిట్ చేస్తున్నట్లు తెలుస్తోంది. Also Read:
from Telugu Movie News | Movie News in Telugu | Movie Gossips in Telugu https://ift.tt/3k2CCz3
v
No comments:
Post a Comment