సందీప్ కిషన్, లావణ్య త్రిపాఠి హీరోహీరోయిన్లుగా వస్తోన్న న్యూ-ఏజ్ స్పోర్ట్స్ ఎంటర్టైనర్ ‘ఎ1 ఎక్స్ప్రెస్’. డెన్నిస్ జీవన్ కనుకొలను దర్శకత్వం వహిస్తున్నారు. పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్, వెంకటాద్రి టాకీస్ బ్యానర్లపై టీజీ విశ్వ ప్రసాద్, అభిషేక్ అగర్వాల్, , దయ పన్నెం సంయుక్తంగా ఈ చిత్రాన్ని నిర్మిస్తున్నారు. గడిచిన ఏడాది కాలంగా ఈ సినిమా చిత్రీకరణ జరుపుకుంటోంది. సందీప్ కిషన్, లావణ్య త్రిపాఠి ఈ చిత్రంలో హాకీ ప్లేయర్లుగా కనిపించనున్నారు. అంతేకాదు, తెలుగు సినీ పరిశ్రమలోనే హాకీ నేపథ్యంలో వస్తోన్న తొలి చిత్రమిది. అందుకే, ఈ సినిమాపై అందరిలో ఆసక్తి నెలకొంది. ‘ధృవ’ సినిమాకు సంగీతం సమకూర్చిన హిప్ హాప్ తమిళ ఈ చిత్రానికి మ్యూజిక్ ఇస్తున్నారు. See Photos: ఇదిలా ఉంటే, ‘ఎ1 ఎక్స్ప్రెస్’ టీమ్ తాజాగా క్లైమాక్స్ సీక్వెన్స్ చిత్రీకరణను పూర్తిచేసింది. ఇండియాలోని అతిపెద్ద హాకీ స్టేడియం అయిన పంజాబ్లోని మొహాలీ గ్రౌండ్లో ఈ క్లైమాక్స్ సీక్వెన్స్ను చిత్రీకరించారు. హాకీ నేపథ్యంలో వచ్చిన రికార్డులు తిరగరాసిన షారుఖ్ ఖాన్ ‘చక్ దే’ సినిమాను ఇదే మైదానంలో చిత్రీకరించడం విశేషం. Also Read: కాగా, ఈ క్లైమాక్స్ సీక్వెన్స్ షూట్లో పాల్గొనడానికి గత ఆరు నెలలుగా సందీప్ కిషన్ హాకీలో శిక్షణ తీసుకొని ప్రొఫెషనల్ ప్లేయర్లా రెడీ అయ్యారు. ఈ క్లైమాక్స్ షూట్కు సంబంధించి సందీప్ కిషన్ ఇన్స్టాగ్రామ్లో ఒక పోస్ట్ చేశారు. ఈ పోస్ట్లో మొహాలీ స్టేడియంలో ప్రాక్టీస్ చేస్తోన్న వీడియోను కూడా పొందుపరిచారు. ‘‘6 నెలల హాకీ శిక్షణ తీసుకున్నాను.. ఇంచుమించు ఏడాది పాటు ఈ పాత్రలో లీనమయ్యాను.. 14 కేజీల బరువు తగ్గాను.. కొవిడ్ భయం ఎలాగూ ఉంది. మొత్తానికి నా కలల సినిమా ‘ఎ1 ఎక్స్ప్రెస్’ క్లైమాక్స్ చిత్రీకరణను అనుకున్న తేదీకి పూర్తిచేశాను. ఇంకా ఒక్కరోజు షూట్ మిగిలి ఉంది. పోస్ట్ ప్రొడక్షన్ పనులు శరవేగంగా జరుగుతున్నాయి’’ అని సందీప్ కిషన్ తన పోస్ట్లో పేర్కొన్నారు. కాగా, ఈ చిత్ర విడుదల తేదీని త్వరలోనే ప్రకటించనున్నారు. సందీప్ కిషన్, లావణ్య త్రిపాఠి హీరోహీరోయిన్లుగా నటించిన ఈ చిత్రంలో రావు రమేష్, మురళీ శర్మ, పోసాని క్రిష్ణమురళి, ప్రియదర్శి, సత్య, రాహుల్ రామక్రిష్ణ, మహేష్ విట్టా, రఘుబాబు, అభిజీత్, భూపాల్, ఖయ్యుమ్, సుదర్శన్, శ్రీ రంజని, దయా గురుస్వామి ఇతర పాత్రలు పోషించారు. కవిన్ రాజ్ సినిమాటోగ్రఫీ అందించారు.
from Telugu Movie News | Movie News in Telugu | Movie Gossips in Telugu https://ift.tt/38QgVjz
v
No comments:
Post a Comment