తన విలక్షణమైన నటనతో గొప్ప నటుడిగా పేరు తెచ్చుకున్నారు ప్రకాషరాజ్. లాక్డౌన్ కాలంలో కష్టాల్లో ఉన్నవాళ్లకు సాయం చేసి తనలో ఓ మానవతావాది కూడా ఉన్నాడని నిరూపించారు. వలస కార్మికులకు ఆపన్నహస్తం అందించడంతో పాటు పేద పిల్లలకు చదువు చెప్పించే బాధ్యత కూడా తీసుకున్నారు. అలాగే తెలంగాణలోని ఓ గ్రామాన్ని దత్తత తీసుకుని తన ఉదాత్త హృదయాన్ని చాటుకున్నారు. తాజాగా ఓ విద్యార్థిని మాస్టర్ డిగ్రీ చేసేందుకు అవసరమైన ఆర్థిక సాయాన్ని అందించేందుకు ముందుకొచ్చి మరోసారి వార్తల్లో నిలిచారు. ఆంధ్రప్రదేశ్లోని పశ్చిమ గోదావరికి జిల్లాకు చెందిన పేద కుటుంబానికి చెందిన సిరిచందన అనే యువతి బీఎస్సీ కంప్యూటర్ సైన్స్ పూర్తి చేసింది. ఆమెకు మాంచెస్టర్ యూనివర్సిటీ ఆఫ్ సాల్ఫోర్డ్లో ఇన్ఫర్మేషన్ టెక్నాలజీలో మాస్టర్స్ డిగ్రీ చేయడానికి సీటు వచ్చింది. ఆమెకు తండ్రి లేకపోవడం, ఆర్థిక పరిస్థితి కూడా అంతంత మాత్రమే కావడంతో ఏం చేయాలో తెలీక ఆ కుటుంబం దిక్కుతోచని స్థితిలో ఉంది. ఈ విషయం తెలుసుకున్న ఆమె చదువుకు అయ్యే ఖర్చంతా తానే భరిస్తానని హామీ ఇచ్చారు. దీంతో సిరిచందన, ఆమె తల్లి ఆనందానికి అవధుల్లేకుండా పోయాయి. హైదరాబాద్లో ఓ సినిమా షూటింగ్లో ఉన్న ప్రకాష్రాజ్ను కలుసుకుని కృతజ్ఞతలు తెలిపారు. ఈ సందర్భంగా బాగా చదువుకుని వృద్ధిలోకి రావాలని సిరిచందనను ఆయన దీవించారు. Also Read: ఈ సందర్భంగా సిరిచందన మాట్లాడుతూ, "నాపేరు తిగిరిపల్లి సిరిచందన. పశ్చిమ గోదావరి జిల్లాలోని పెద్దేవం గ్రామం. డిగ్రీ కంప్యూటర్ సైన్స్ చదువుకున్న నాకు ఇన్ఫర్మేషన్ టెక్నాలజీలో మాస్టర్స్ డిగ్రీ చేయడానికి మాంచెస్టర్లోని యూనివర్సిటీ ఆఫ్ సాల్ఫోర్డ్లో సీటు వచ్చింది. నాకు తొమ్మిదేళ్ల వయసులో నాన్న చనిపోయారు. అప్పటినుంచి అమ్మే కష్టపడి నన్ను చదివించింది. యూనివర్శిటీలో సీటు వచ్చినా మా అర్ధిక పరిస్థితి కారణంగా అక్కడికి వెళ్తే ధైర్యం చేయలేకపోయా. దీంతో నరేంద్ర అనే బంధువు మా పరిస్థితిని వివరిస్తూ సోషల్మీడియాలో పోస్ట్ పెట్టారు. దాన్ని చూసిన ప్రకాష్రాజ్ సాయం చేసేందుకు ముందుకొచ్చారు. మా కుటుంబానికి ఆర్థికంగా, నైతికంగా అండగా నిలిచిన ఆయనకు రుణపడి ఉండాం. పుస్తకాల నుంచి కంప్యూటర్ వరకు ఆయనే సమకూర్చారు. ఆయన చేసిన సాయానికి ఎప్పటికీ రుణపడి ఉంటాను’ అని స్పష్టం చేశారు. సిరిచందన తల్లి ఉద్వేగంతో మాట్లాడుతూ, ‘పిల్లలు చిన్నగా ఉన్నప్పుడే నా భర్త చనిపోయాడు. అప్పటి నుంచి పిల్లలను కష్టపడి చదవించా. మాకు ఆస్తులేమీ లేదు. పాపకు యూనివర్శిటీలో సీటు వచ్చినప్పుడు ఏం చేయాలో అర్ధం కాలేదు. మా కష్టం చూపి ప్రకాష్రాజ్ గారు స్పందించి సాయం చేశారు. సిరిచందనను తన రెండో కూతురుగా చూసుకుంటానన్నారు. ఆయన రుణం ఎప్పటికీ తీర్చుకోలేం’ అని అన్నారు.
from Telugu Movie News | Movie News in Telugu | Movie Gossips in Telugu https://ift.tt/30x8STM
v
No comments:
Post a Comment