ఒళ్లంతా రక్తం, చొక్కా లేదు, ఒక చేతిలో సెలైన్ బాటిల్.. ఆ యాక్సిడెంట్‌ను గుర్తుచేసుకున్న సునీల్

కష్టం, సుఖం, హాస్యం.. ఇవన్నీ పక్కపక్కనే ఉంటాయన్నారు నటుడు సునీల్. పరిస్థితులను బట్టి ఒక్కొక్కరికి ఒక్కోలా ఆ పరిస్థితులు అర్థమవుతాయని అన్నారు. కీలక పాత్ర పోషించిన చిత్రం ‘కలర్ ఫోటో’. సుహాస్, చాందిని చౌదరి హీరోహీరోయిన్లుగా నటించారు. సందీప్ రాజ్ దర్శకుడిగా పరిచయమవుతున్నారు. సాయి రాజేష్ నీలం, బెన్నీ ముప్పానేని నిర్మాత‌లు. ఈ సినిమా అక్టోబ‌ర్ 23న ‘ఆహా’లో విడుద‌లవుతోంది. ఈ నేఫ‌థ్యంలో చిత్ర ప్రచారంలో భాగంగా ఆదివార రాత్రి ‘క‌ల‌ర్ ఫోటో’ ప్రీ రిలీజ్ ఈవెంట్‌ను నిర్వహించారు. ఈ వేడుకలో చిత్ర బృందంతో పాటు తెలుగు చిత్ర ప‌రిశ్రమలోని విజయవంతమైన యువ దర్శకులు హాజరయ్యారు. ఈ ప్రీ రిలీజ్ వేడుకలో నటుడు సునీల్ చాలా ఆసక్తికరంగా మాట్లాడారు. తన చలోక్తులతో నవ్వించారు. జీవిత అనుభవాలను కొత్త వాళ్లకు పాఠాలుగా చెప్పారు. ప్రతి ఆర్ట్, క్రియేషన్ వెనుక నొప్పి మాత్రమే ఉంటుందని సునీల్ అన్నారు. ఆ పెయినే నెక్ట్స్ గెయిన్ అని చెప్పారు. సినిమా వాళ్లు ఫంక్షన్లు చేసుకుంటూ చాలా సంతోషంగా ఉన్నారని అందరూ అనుకుంటారని.. కానీ, ఇలాంటి ఫంక్షన్ ఒక్కటే చిన్న రిలీఫ్ అని సునీల్ చెప్పుకొచ్చారు. అన్ని నెలల కష్టం ఈ వేదికపై గంట నిలబడితే పోతుందని అన్నారు. Also Read: తన జీవితంలో అనుభవాలను చెబుతూ గతంలో తనకు జరిగిన యాక్సిడెంట్ గురించి సునీల్ ప్రస్తావించారు. ‘‘ల్యాండ్ క్రూజర్‌లో పల్టీలు వేశాను. ఇది దేవుడు ఇచ్చిన రెండో జన్మ నాకు. కారులో పూర్తిగా పల్టీ కొట్టింది. నేను రివర్స్‌లో ఉన్నాను. బయటకి తీసిన తరవాత ఒళ్లంతా రక్తం ఉందని చొక్కా తీసేశారు. ఎడమ చేతికి సెలైన్ నీడిల్ గుచ్చి కుడి చేతికి సెలైన్ బాటిల్ ఇచ్చారు. అలా బయటికి వస్తుంటే అందరూ దగ్గరికి వచ్చి అన్న ఒక్క ఫొటో అన్న.. మళ్లీ నువ్వు దొరకవన్న అంటున్నారు. చొక్కా లేకుండా దరిద్రంగా ఉంటుంది అని నేను అంటే.. ఒకాయన తన తలపాగా తీసి నాకు శాలువాలా వేశాడు. బాగోదన్న కావాలంటే ఇంకోసారి ఇక్కడికి వచ్చి ఫొటో దిగుతా అన్న అంటే వదల్లేదు. సెలైన్ నేను పట్టుకుంటా అని ఒకడు తీసుకున్నాడు. నన్ను ఒకరు లాగేస్తున్నారు.. ఆ సెలైన్ బాటిల్ పట్టుకున్నోడిని తోసేస్తున్నారు’’ అని సునీల్ వెల్లడించారు. అంటే, ఈ ప్రపంచంలో ఎవడికి తోచింది వాడు చేసేస్తాడు.. మన ఆలోచనతో వాడికి సంబంధం లేదు అని చెప్పడానికి సునీల్ ఈ కథ చెప్పుకొచ్చారు. ‘కలర్ ఫోటో’లో తాను నటించడం తమ అదృష్టమని చిత్ర యూనిట్ అంతా అంటోందని.. కానీ, ఇలాంటి మంచి సినిమాలో నటించడం తన అదృష్టమని సునీల్ అన్నారు. మిగిలిన అతిథులు, చిత్ర యూనిట్ సభ్యుల ప్రసంగాలు ఈ వీడియోలో చూడొచ్చు..

from Telugu Movie News | Movie News in Telugu | Movie Gossips in Telugu https://ift.tt/3mdjTlV
v