తొలి జేమ్స్ బాండ్ హీరో సీన్ కానరీ కన్నుమూత

స్కాటిష్‌ నటుడు, తొలిసారి వెండితెరపై జేమ్స్ బాండ్‌గా కనిపించిన (90) శనివారం రోజు కన్నుమూశారు. ‌ఇటీవలే 90వ పుట్టినరోజు జరుపుకున్న ఆయన కన్నుమూయడం హాలీవుడ్‌ పరిశ్రమలో తీవ్ర విషాదాన్ని నింపింది. వయసు పైబడటంతో కొంతకాలంగా అనారోగ్యంతో బాధపడుతున్న ఆయన నిద్రలోనే కన్నుముసినట్లు కుటుంబ సభ్యులు తెలిపారు. సీన్ కానరీ మరణవార్త తెలిసి పలువురు సినీ ప్రముఖులు సోషల్ మీడియా ద్వారా సంతాపం తెలుపుతున్నారు. జేమ్స్ బాండ్‌ సిరీస్‌కు చెందిన ఏడు సినిమాల్లో సీన్ కానరీ నటించారు. మొదటిసారిగా 1962లో వచ్చిన బాండ్ సిరీస్ 'డా. నో'లో జేమ్స్ బాండ్‌గా నటించి మెప్పించిన ఆయన.. ఆ తర్వాత 1963లో వచ్చిన 'ఫ్రమ్ రష్యా విత్ లవ్', 1964లో వచ్చిన 'గోల్డ్ ఫింగర్', 1965లో వచ్చిన 'థండర్‌బాల్', 1967లో వచ్చిన 'యూ ఓన్లీ లివ్ ట్వైస్', 1971లో వచ్చిన 'డైమండ్స్ ఆర్ ఫరెవర్', 1983లో వచ్చిన 'నెవర్ సే నెవర్ ఎగైన్' వంటి వరుస జేమ్స్ బాండ్ సిరీస్‌లలో నటించి వెండితెరపై ఓ వెలుగు వెలిగారు. Also Read: ‘ది అన్‌ టచ్‌బుల్స్‌’ సినిమాలో అద్భుతంగా నటించి ఉత్తమ సహాయ నటుడిగా ఆస్కార్‌ అవార్డు సైతం అందుకున్నారు. భాషాభేదం అనేది లేకుండా సీన్ కానరీకి ప్రపంచవ్యాప్తంగా అభిమానులున్నారు. అలాగే రెండుసార్లు గోల్డెన్ గ్లోబ్స్ అవార్డులతో పాటు రెండుసార్లు బాఫ్టా అవార్డులను కూడా ఆయన గెలుచుకున్నారు. 2006లో అమెరికన్‌ ఫిల్మ్‌ ఇనిస్టిట్యూట్‌ నుంచి జీవిత సాఫల్య పురస్కారం అందుకున్న సీన్‌ కానరీ ఆ తర్వాత వెండితెరకు పూర్తిగా దూరమయ్యారు. సీన్ కానరీ మృతి పట్ల ప్రపంచ ఆడియన్స్ అంతా విచారం వ్యక్తం చేస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3ebK9Kx
v