భారత దిగ్గజ క్రికెటర్, టీమ్ ఇండియా మాజీ కెప్టెన్ కపిల్ దేవ్కు గుండెపోటుకు గురయ్యారు. ప్రస్తుతం ఆయన ఢిల్లీలోని ఫోర్టిస్ ఎస్కార్ట్స్ హార్ట్ ఇన్స్టిట్యూట్లో చికిత్స పొందుతున్నారు. 61 ఏళ్ల ఆరోగ్యం ప్రస్తుతం నిలకడగా ఉన్నట్టు సమాచారం. ఇదిలా ఉంటే, కపిల్ దేవ్ గుండెపోటుకు గురవడంపై బాలీవుడ్ హీరో ట్విట్టర్ ద్వారా స్పందించారు. కపిల్ దేవ్ త్వరగా కోలుకోవాలని ఆయన ఆకాంక్షించారు. ‘‘దిగ్గజం కపిల్ దేవ్ శక్తి సామర్థ్యాలతో మళ్లీ మునుపటి స్థితికి రావాలి. నాకెంతో ఆప్తుడైన ఆయన త్వరగా కోలుకోవాలని ఆ దేవుడిని ప్రార్థిస్తున్నాను’’ అని రణ్వీర్ ట్వీట్ చేశారు. కాగా, గురువారం అర్ధరాత్రి దాటిన తరవాత కపిల్ దేవ్ గుండెపోటు వచ్చిందని.. వెంటనే ఆయన్ని హాస్పిటల్కు తీసుకురావడంతో ఎమర్జెన్సీ కొరొనరీ యాంజియోప్లాస్టీ నిర్వహించామని హాస్పిటల్ వర్గాలు వెల్లడించాయి. ప్రస్తుతం కపిల్ ఐసీయూలో ఉన్నారని, డాక్టర్ అతుల్ మథూర్ బృందం ఆయన్ని పర్యవేక్షిస్తోందని హాస్పిటల్ ఒక ప్రకటనలో పేర్కొంది. ప్రస్తుతం కపిల్ దేవ్ ఆరోగ్యం నిలకడగా ఉందని వెల్లడించింది. రెండు మూడు రోజుల్లో ఆయన డిశ్చార్జ్ కావచ్చని తెలిపింది. యాంజియోప్లాస్టీ అంటే మూసుకుపోయిన రక్తనాళాల (ధమనులు)ను తెరిచి గుండెకు యథావిధిగా రక్త ప్రసరణ జరిగేటట్టు చేయడం. ఇదిలా ఉంటే, కబీర్ ఖాన్ దర్శకత్వంలో రూపొందిన ‘83’ సినిమాలో కపిల్ దేవ్ పాత్రను రణ్వీర్ సింగ్ పోషించిన విషయం తెలిసిందే. 1983లో భారత క్రికెట్ జట్టు ప్రపంచ కప్ను గెలిచిన విధానం ఆధారంగా ఈ సినిమాను తెరకెక్కించారు. ఈ సినిమాలో పాత్ర చేయడానికి కపిల్ దేవ్ వద్ద రణ్వీర్ సింగ్ శిక్షణ కూడా తీసుకున్నారు. కపిల్ కుటుంబంతో కొన్ని రోజులు కలిసి ఉన్నారు. దీంతో కపిల్ కుటుంబంతో రణ్వీర్ సింగ్కు మంచి అనుబంధం ఏర్పడింది.
from Telugu Movie News | Movie News in Telugu | Movie Gossips in Telugu https://ift.tt/3jsWScx
v
No comments:
Post a Comment