బంజారావుడ్: ఆ తెగ కోసం కొత్త సినీ పరిశ్రమ.. హైదరాబాద్‌లో ప్రారంభం

భారతదేశంలో ఇప్పటికే చాలా సినీ పరిశ్రమలు ఉన్నాయి. హిందీ సినిమా పరిశ్రమ బాలీవుడ్ దేశంలోనే అతిపెద్దది కాగా.. ఆ తరవాత స్థానాల్లో టాలీవుడ్, కోలీవుడ్, మాలీవుడ్, శాండిల్‌వుడ్ ఉన్నాయి. అలాగే.. మరాఠీ, బెంగాలీ, భోజ్‌పురి సినీ పరిశ్రమలు కూడా ఉన్నాయి. అయితే, ఇప్పుడు మరో కొత్త సినీ పరిశ్రమ పుట్టుకొచ్చింది. బంజారా ప్రజల కోసం బంజారా ఫిలిం ఇండస్ట్రీని స్థాపించారు. ఈ పరిశ్రమను సోమవారం ప్రకటించారు. భారతదేశంలో 15 కోట్ల 50 లక్షల మంది బంజారాలు ఉన్నారు. ఈ బంజారా ప్రజలు ప్రతి రంగంలో ముందున్నారు. బంజారాలు సినిమా రంగంలో కూడా ముందు ఉండాలనే ఉద్దేశంతో ‘గోర్ జీవన్’ సినిమా ద్వారా గుర్తింపు తెచ్చుకున్న దర్శకుడు కె.పి.ఎన్. చౌహన్ ఈ బంజారా సినీ పరిశ్రమను స్థాపించారు. ఇది బంజారా బిడ్డలు గర్వంగా చెప్పుకోదగిన విషయమని ఆయన అన్నారు. ‘‘8 నుండి 10 కోట్ల జనాభా ఉన్న ఆంధ్రప్రదేశ్, తెలంగాణ రాష్ట్రాలకు టాలీవుడ్ ఇండస్ట్రీ ఉంది. రెండు కోట్ల జనాభా ఉన్న భోజ్‌పురి ప్రజలకు సినిమా ఇండస్ట్రీ ఉంది. అలాంటిది దేశం మొత్తం మీద 15 కోట్ల 50 లక్షల జనాభా ఉన్న బంజారా ప్రజలకు ఒక సినిమా ఇండస్ట్రీ ఉండాలనే ఉద్దేశంతో ఈ బంజారా సినిమా ఇండస్ట్రీని స్థాపించాం’’ అని చౌహన్ అన్నారు. ఈ కార్యక్రమంలో పలువురు బంజారా కళాకారులు పాల్గొన్నారు. Also Read: చౌహన్ మాట్లాడుతూ.. ‘‘ఇది ఏ ఒక్కరి కోసమో కాదు. ప్రతిఒక్క బంజారా బిడ్డ కోసం. కాబట్టి బంజారా కళాకారులు అందరూ ముందుకు వచ్చి ఈ బంజారా ఫిలిం ఇండస్ట్రీని మంచి స్థాయికి తీసుకుని వెళ్లాలి. అలాగే, మన బంజారా సినిమాల రిలీజ్ కోసం థియేటర్స్ దొరకని పక్షాన అమెజాన్, నెట్‌ఫ్లిక్ మాదిరిగా బంజారా బాక్స్ ఆఫీస్ యాప్‌ను రిలీజ్ చేస్తున్నాం. ఈ యాప్ ద్వారా బంజారా ప్రజలు తమ ఫోన్‌లోనే సినిమాలను వీక్షించవచ్చు. బంజారా ప్రజలంతా దీన్ని వినియోగించుకోవాలి’’ అని అన్నారు. బంజారా సినిమా పరిశ్రమ అత్యున్నత స్థానానికి వెళ్లాలని తాను మనస్ఫూర్తిగా కోరుకుంటున్నట్టు చౌహన్ వెల్లడించారు. బంజారా సినీ పరిశ్రమ ప్రకటన కార్యక్రమాన్ని భారీ ఎత్తున నిర్వహిద్దామని అనుకున్నామని.. కానీ, కరోనా వైరస్ కారణంగా సింపుల్‌గా చేయాల్సి వచ్చిందని చౌహన్ వివరించారు. దీని వల్ల బంజారా కళాకారులు అందరినీ పిలవలేకపోయామన్నారు. రాబోయే జనరల్ బాడీ మీటింగ్‌ను ఘనంగా నిర్వహించబోతున్నామని స్పష్టం చేశారు. అప్పుడు అందరినీ పిలుస్తామని తెలిపారు.

from Telugu Movie News | Movie News in Telugu | Movie Gossips in Telugu https://ift.tt/3ngipsd
v