విక్రమాదిత్యగా ప్రభాస్: ఫ్యాన్స్‌కు సర్‌ప్రైజ్.. వింటేజ్ లుక్ అదిరింది

రెబల్ స్టార్ అభిమానులకి ‘రాధే శ్యామ్’ చిత్ర యూనిట్ అదిరిపోయే ట్రీట్ ఇచ్చింది. ప్రభాస్ బర్త్‌డేకు ముందు ఒక సర్‌ప్రైజ్ లుక్‌ను విడుదల చేసింది. ‘రాధే శ్యామ్’ సినిమాలో ప్రభాస్ పోషిస్తోన్న విక్రమాదిత్య పాత్రను రివీల్ చేస్తూ రెబల్ స్టార్ వింటేజ్ లుక్‌ను విడుదల చేసింది. అక్టోబ‌ర్ 23న ప్రభాస్ పుట్టిన రోజు సందర్భంగా ‘బీట్స్ ఆఫ్ రాధే శ్యామ్’ అనే మోష‌న్ పోస్టర్‌ని విడుద‌ల చేయ‌బోతున్న చిత్ర బృందం.. ప్రభాస్‌కి అడ్వాన్స్ హ్యాపీ బ‌ర్త్ డే విషెస్ చెబుతూ ఈ లుక్‌ని విడుద‌ల చేయ‌డం విశేషం. ప్రతి సినిమాకి త‌న హ్యాండ్‌స‌మ్ లుక్, స్టైలిష్ మేకోవ‌ర్‌తో ఫ్యాన్స్‌ను మెస్మరైజ్ చేసే ప్రభాస్.. ఇప్పుడు ‘రాధే శ్యామ్’లో కూడా అల్ట్రా స్టైలిష్‌గా క‌నిపించ‌బోతున్నారనే విష‌యం ఈ లుక్ చూస్తే అర్థమైపోతుంది. ఇటలీలో ఉన్న గ్రీకు క‌ట్టడాల బ్యాక్ డ్రాప్‌లో వింటేజ్ కార్ మీద బ్లూ బ్లేజ‌ర్ వేసుకుని స్టైలిష్‌గా కుర్చున్న ప్రభాస్ లుక్ అభిమానుల్లో ‘రాధే శ్యామ్’ చిత్రంపై మ‌రింత‌గా అంచ‌నాలు పెంచేలా ఉంది. ఇక ‘బాహుబలి: ది బిగినింగ్’, ‘బాహుబ‌లి 2: ది కన్‌క్లూజన్’, ‘సాహో’ వంటి పాన్ ఇండియా చిత్రాలతో తన క్రేజ్‌ను విశ్వవ్యాప్తం చేసుకున్న ప్రభాస్.. తన 20వ చిత్రమైన ‘రాధే శ్యామ్’ను కె.కె. రాధాకృష్ణ కుమార్ ద‌ర్శక‌త్వంలో చేస్తోన్న విష‌యం తెలిసిందే. ఈ చిత్రంలో ప్రభాస్ స‌ర‌స‌న బుట్ట బొమ్మ పూజా హెగ్డే న‌టిస్తుంది. ఈ చిత్రాన్ని ప్రభాస్ పెదనాన్న డాక్టర్ యు.వి.కృష్ణంరాజు స‌మ‌ర్పిస్తుండగా.. గోపీకృష్ణ మూవీస్, యూవీ క్రియేషన్స్ బ్యానర్లపై వంశీ, ప్రమోద్‌, ప్రసీద సంయుక్తంగా నిర్మిస్తున్నారు. యంగ్ మ్యూజిక్ సెన్సేషన్ జ‌స్టిన్ ప్రభాక‌ర‌న్ ‘రాధే శ్యామ్’ తెలుగు, త‌మిళ‌, క‌న్నడ‌, మ‌లయాళీ వెర్షన్స్‌కి సంగీత‌ దర్శకుడిగా వ్యవ‌హ‌రిస్తున్నారు. ‘రాధే శ్యామ్’ చిత్ర యూనిట్ ప్రస్తుతం ఇట‌లిలో షూటింగ్ జ‌రుపుకుంటోంది. తెలుగు, మలయాళం, హిందీ, తమిళ, క‌న్నడ‌ భాషల్లో ‘రాధే శ్యామ్’ను రూపొందిస్తున్నారు. కాగా, ఈ చిత్రంలో స‌త్యరాజ్‌, భాగ్యశ్రీ, కునాల్ రాయ్ క‌పూర్‌, జ‌గ‌ప‌తిబాబు, జ‌య‌రాం, స‌చిన్ ఖేడ్‌క‌ర్‌, భీనా బెన‌ర్జి, ముర‌ళి శ‌ర్మ, శాషా ఛ‌త్రి, ప్రియ‌ద‌ర్శి, రిద్దికుమార్‌, స‌త్యన్ ముఖ్య పాత్రల్లో నటిస్తున్నారు. మనోజ్ పరమహంస సినిమాటోగ్రఫీ అందిస్తున్నారు. కోటగిరి వెంకటేశ్వరరావు ఎడిటర్. నిక్ పవల్ యాక్షన్ డైరెక్టర్. ఆస్కార్ విజేత రసూల్ పూకుట్టి సౌండ్ డిజైన్ చేస్తున్నారు. వైభవి మర్చంట్ కొరియోగ్రఫీ అందిస్తున్నారు. ‘బాహుబలి’కి పనిచేసిన కమల్ కన్నన్ ఈ సినిమాకు వీఎఫ్ఎక్స్ సూపర్ వైజర్. Also Read:

from Telugu Movie News | Movie News in Telugu | Movie Gossips in Telugu https://ift.tt/3dOFe1N
v