బాలీవుడ్లోని దిగ్గజ నటుల లిస్టులో ఆమిర్ఖాన్ పేరు కూడా ఉంటుంది. సరైన పాత్ర దొరికితే చాలు ఆయన చెలరేగిపోతారు. అన్నీ కమర్షియల్ సినిమాలే కాకుండా అప్పుడప్పుడు సందేశాత్మక సినిమాలు కూడా చేస్తుంటారాయన. చిన్నారుల మానసిక సమస్యను గురించి ఆయనే స్వయంగా నిర్మించి, దర్శకత్వం వహించిన ‘తారే జమీన్ పర్’ చిత్రం విమర్శకుల ప్రశంసలందుకుంది. అయితే ఇప్పుడు ఆమిర్, ఆయన మొదటి భార్య రీనా దత్తాల కూతురు కూడా ఇప్పుడు అలాంటి మానసిక పరిస్థితే ఎదుర్కొంటున్నట్లు తెలిసింది. తాను గత నాలుగేళ్లుగా మానసిక కుంగుబాటుకు గురవుతున్నట్లు ఆమె సోషల్మీడియా ద్వారా వెల్లడించింది. ప్రపంచ మానసిక ఆరోగ్య దినం సందర్భంగా అక్టోబర్ 10న ఇరా వీడియో ప్రకటనను సోషల్మీడియాలో పోస్ట్ చేసింది. తాను డిప్రెషన్లో ఉన్నానని, దానికోసం ట్రీట్మెంట్ తీసుకుంటున్నానని వెల్లడించింది. మానసిక రుగ్మతల గురించి ప్రజలకు మరింత అవగాహన కల్పించాలన్న ఉద్దేశంతో తన పరిస్థితి బహిర్గతం చేస్తున్నట్లు ఇరా తెలిపింది. ప్రస్తుతం తాను కోలుకుంటున్నానని, తనలాగే మానసిక సమస్యలతో బాధపడేవారికి ఏదైనా చేయాలని భావిస్తున్నానని వెల్లడించింది. మరోవైపు బాలీవుడ్ సెలబ్రెటీల వారసుల పేరెత్తితేనే మండిపడే ఫైర్బ్రాండ్ కంగనా రనౌత్ దీనిపై సానుకూలంగా స్పందించింది. 16ఏళ్ల వయసులో తాను కూడా శారీరక, మానసిక దాడికి గురయ్యానని వెల్లడించింది. ఓ వైపు యాసిడ్ బాధితురాలైన అక్క రంగోలీ సంరక్షణ చూసుకోవడం, మరోవైపు సినిమాల్లో ఛాన్సుల కోసం చేసే ప్రయత్నాల్లో ఎదురైన చేదు అనుభవాలను ఒంటరిగా ఎదుర్కొన్నానని గుర్తు చేసుకున్నారు. డిప్రెషన్కు ఎన్నో కారణాలుంటాయని, విడిపోయిన దంపతులు పిల్లలకు ఈ పరిస్థితి ఎదుర్కోవడం కష్టంగా ఉంటుందని కంగనా అభిప్రాయపడింది. Also Read:
from Telugu Movie News | Movie News in Telugu | Movie Gossips in Telugu https://ift.tt/3lGu1Dq
v
No comments:
Post a Comment