పేద, మధ్య తరగతి, సంపన్న వర్గం అనే తేడాలేకుండా అందరికీ అవసరమయ్యేది విద్య. వారి వారి ఆర్ధిక స్థోమతలను బట్టి ప్రైవేట్, ప్రభుత్వ పాఠశాలల్లో పిల్లలను చేర్పిస్తుంటారు తల్లిదండ్రులు. అయితే కొన్ని ప్రైవేట్ విద్యాసంస్థల్లో ఇష్టారాజ్యంగా ఫీజులు వసూలు చేస్తూ పేద, మధ్యతరగతి వర్గాల వెన్ను విరుస్తున్నాయి యాజమాన్యాలు. తాజాగా ఇదే ఇష్యూపై ఫైర్ అయ్యారు టాలీవుడ్ నటుడు శివ బాలాజీ. ప్రైవేట్ పాఠశాలలు చేస్తున్న నిలువుదోపిడీని ఖండిస్తూ మానవ హక్కుల సంఘానికి ఫిర్యాదు చేశారు. మణికొండలో ఉన్న ఓ ప్రైవేట్ స్కూల్ ప్రభుత్వ నిబంధనలు, నియమాలకు వ్యతిరేకంగా ఫీజులను వసూలు చేస్తోందంటూ శివ బాలాజీ మండిపడ్డారు. ఇదేంటని తల్లిదండ్రులు ప్రశ్నిస్తే వారిపై బెదిరింపులకు పాల్పడుతున్నట్టు ఆయన మీడియా సమావేశంలో పేర్కొనడం సంచలనంగా మారింది. ఎనిమిదేళ్లుగా తమ పెద్దబ్బాయి అదే స్కూల్లో చదువుతున్నాడని, ఎప్పుడూ ఇబ్బంది పెట్టలేదు గానీ ఈ సారి ఆన్లైన్ శిక్షణ పేరుతో దోపిడీ చేస్తున్నారంటూ ఫైర్ అయ్యారు. Also Read: ఫీజుల పేరిట అనవసర పరీక్షలు పెట్టి.. డబ్బు చెల్లించని విద్యార్థుల ఐడీ బ్లాక్ చేస్తున్నారని, ఈ విషయంపై స్కూల్ యాజమాన్యాన్ని తల్లిదండ్రులు ప్రశ్నిస్తే స్పందించకపోగా, పైగా తమ పైనే బెదిరింపులకు పాల్పడుతున్నారని ఓ రేంజ్లో మండిపడ్డారు. ఫీజుల విషయంలో స్కూల్ యాజమాన్యం తీరు తప్పుగా ఉండటంతో కొందరు పేరెంట్స్ వాట్సాప్ గ్రూప్ క్రియేట్ చేసుకుంటే వారిపై దురుసుగా ప్రవర్తిస్తూ హెచ్చరిస్తున్నారని పేర్కొన్నారు. ఈ క్రమంలో స్కూల్ యాజమాన్యంతో తమకున్న వ్యక్తిగత రిలేషన్ కారణంగా నా భార్య వారికి మెయిల్ రాయగా దానికి కూడా రిప్లై ఇవ్వలేదని, సదరు స్కూల్ యాజమాన్యం తల్లిదండ్రుల గోడు పట్టించుకోవడం లేదని ఆవేదన వ్యక్తం చేశారు . Also Read: ఈ మేరకు ''మీరు పిల్లలకు క్లాస్లు తీసుకోవడం కాదు.. నేనే మీకు నేను క్లాసులు తీసుకుంటా'' అంటూ రెచ్చిపోయిన ఆయన, ఆ స్కూల్పై చర్యలు తీసుకోవాలని కోరుతూ హెచ్ఆర్సీకి ఫిర్యాదు చేశారు శివబాలాజీ. మా లాంటి వాళ్ల పిల్లల పరిస్థితే ఇలా ఉంటే.. ఇక దిగువ, మధ్య తరగతి వర్గాల పిల్లల పరిస్థితి ఏ విధంగా ఉంటుందో ఉహించుకోవచ్చని పేర్కొంటూ రకరకాల ఫీజుల పేరుతో నిబంధనలకు విరుద్ధంగా దోపిడీ చేసే ప్రతి ఒక్క స్కూల్పై చర్యలు తీసుకోవాలని ఆయన కోరారు.
from Telugu Movie News | Movie News in Telugu | Movie Gossips in Telugu https://ift.tt/3mhSVu1
v
No comments:
Post a Comment