ఎన్ఐఏ ఆఫీసర్‌గా కార్తికేయ.. మరో డిఫరెంట్ కాన్సెప్ట్ మూవీతో వస్తోన్న RX 100 హీరో

సినిమాతో యూత్‌లో మంచి ఇమేజ్ సంపాదించుకున్న హీరో . ‘ప్రేమతో మీ కార్తీక్’ సినిమాతో వెండితెరకు పరిచయమైన కార్తికేయ.. ‘RX 100’తో తన మార్క్ చూపించారు. హీరోగా తనకంటూ ఒక గుర్తింపును ఏర్పరుచుకున్నారు. ‘RX 100’ సినిమాతో వచ్చిన క్రేజ్‌తో కార్తికేయకు వరుసపెట్టి అవకాశాలు వచ్చాయి. ‘హిప్పి’, ‘గుణ 369’, ‘90 ఎంఎల్’.. ఇలా హీరోగా వరుసగా సినిమాలు చేశారు. కానీ, వీటిలో ఏ ఒక్క సినిమా ‘RX 100’ స్థాయి హిట్‌ను అందించలేకపోయాయి. తానొక మంచి నటుడిగా నిరూపించుకోవడానికి కేవలం హీరో పాత్రలు చేస్తే సరిపోదని నెగిటివ్ రోల్‌ను కూడా ట్రై చేశారు కార్తికేయ. నాని హీరోగా వచ్చిన ‘గ్యాంగ్ లీడర్’లో విలన్‌గా నటించి విమర్శకుల ప్రశంసలు అందుకున్నారు. ఈ సినిమా తరవాత గీతా ఆర్ట్స్‌లో ‘చావు కబురు చల్లగా’ అనే సినిమా ఓకే చేశారు. ఈ సినిమా షూటింగ్ కూడా ప్రారంభమైంది. ఇప్పుడు ఈ సినిమాతో పాటు మరో కొత్త సినిమాను కార్తికేయ అంగీకరించారు. ఈ చిత్రం ద్వారా శ్రీ సరిపల్లి దర్శకుడిగా పరిచయమవుతున్నారు. తాన్య రవిచంద్రన్ హీరోయిన్‌గా నటించనున్న ఈ సినిమాను శ్రీ చిత్ర మూవీ మేకర్స్ పతాకంపై ‘88’ రామారెడ్డి నిర్మిస్తున్నారు. సెప్టెంబర్ 21 హీరో కార్తికేయ పుట్టినరోజు. ఈ సందర్భంగా ఈ సినిమా విశేషాలను నిర్మాత వెల్లడించారు. దర్శకనిర్మాతలు శ్రీ సరిపల్లి, ‘88’ రామారెడ్డి మాట్లాడుతూ.. ‘‘ఇదొక డిఫరెంట్ కాన్సెప్ట్ మూవీ. ఇందులో కార్తికేయ NIA ఆఫీసర్‌గా కనిపిస్తారు. కథ వినగానే వెంటనే ఓకే చేసేసారు కార్తికేయ. పూర్తి వివరాలు త్వరలోనే తెలియజేస్తాం’’ అని తెలిపారు. ఈ చిత్రంలో సాయి కుమార్, తనికెళ్ళ భరణి, సుధాకర్ కోమాకుల, పశుపతి కీలక పాత్రలు పోషిస్తున్నారు. ప్రశాంత్ ఆర్. విహారి సంగీతం సమకూరుస్తున్నారు. పి.సి.మౌళి సినిమాటోగ్రఫీ అందిస్తున్నారు. రచన, దర్శకత్వం శ్రీ సరిపల్లి.

from Telugu Movie News | Movie News in Telugu | Movie Gossips in Telugu https://ift.tt/2ZSVYPS
v