బుల్లితెర పంచ్ మహారాజ్ తాజాగా జరిగిన ఓ ఇంటర్వ్యూలో ఎన్నో విషయాలపై స్పందించాడు. వ్యక్తిత్వం, రోజా హార్డ్ వర్క్, తనకిష్టమైన హీరోయిన్ ఇలా చాలా అంశాలపై స్పందిస్తూ యాంకర్ ప్రశ్నలకు కూల్గా సమాధానాలిచ్చారు. ముఖ్యంగా పవన్ వ్యక్తిత్వంపై ఆయన చేసిన కామెంట్స్ మెగా అభిమానులను ఎంతగానో ఆకట్టుకుంటున్నాయి. జనసేన పార్టీ, పవన్ కళ్యాణ్ రీ ఎంట్రీ గురించి ప్రస్తావిస్తూ ఆయనను ఆకాశానికెత్తాడు హైపర్ ఆది. పవన్ కళ్యాణ్ ఏది చేస్తే అది కరెక్ట్ అని నమ్మకం పెట్టుకోవాలంతే అంటూ సింపుల్గా చెప్పేసిన హైపర్ ఆది.. ఎన్నికల్లో పవన్ రెండు చోట్ల ఓడిపోయాడని తెలియడంతో కాస్త బాధపడ్డాం కానీ ఆ తర్వాత కూడా ఆయన జనం వద్దకు వెళ్లి సమస్యలను పరిష్కరిస్తున్న తీరు చూసి ఆనందమేసిందని, అలాంటి ఆయన కోసం ఎన్నేళ్ళైనా మనం నిలబడొచ్చనే ధైర్యం వచ్చిందని చెప్పాడు. ముఖ్యంగా పవన్ వ్యక్తిత్వానికి తాను పెద్ద ఫ్యాన్ అని చెప్పాడు హైపర్ ఆది. తన వద్ద 10 వేలు ఉంటే ఆ 10 వేలు దానం చేసి పస్తులుండే వ్యక్తిత్వం పవన్ కళ్యాణ్ది అని అన్నాడు. అలాంటి పవన్ని కొందరు టార్గెట్ చేయడం కరెక్ట్ కాదని అన్నాడు. Also Read: 12 సినిమాలు వరుసగా ఫ్లాప్ అయితే పవన్ క్రేజ్ ఏ మాత్రం తరిగిపోలేదని, అలాంటిది 2 సీట్లు 4 ఓట్లు ఆయన క్రేజ్ని అస్సలు పడేయలేవని చెబుతూ పవన్ అభిమానులను హుషారెత్తించాడు హైపర్ ఆది. ఏది ఏమైనా పవన్ పవనే అంటూ 'కొన్నిసార్లు రావడం లేట్ అవ్వొచ్చేమో గానీ రావడం మాత్రం పక్కా' అంటూ జనసైనికుల్లో జోష్ నింపాడు. సినిమాల్లో చిరంజీవిని, క్రికెట్లో సచిన్ టెండూల్కర్ని, వ్యక్తిత్వంలో పవన్ కళ్యాణ్ని మించిన వ్యక్తులు లేరంటూ జబర్దస్త్ కామెంట్స్ చేశాడు హైపర్ ఆది. ఇకపోతే సినిమాల్లోకి పవన్ రీ ఎంట్రీ ఇవ్వడంపై వస్తున్న నెగెటివ్ కామెంట్స్ని తిప్పికొడుతూ స్ట్రాంగ్ కౌంటర్ ఇచ్చాడు ఆది. పవన్ మాటతప్పి సినిమాల్లోకి రాలేదని చెప్పిన ఆయన.. ''పార్టీని మెయిన్టైన్ చేయడానికి ఫండ్ కావాలి కదా! అది మీరిస్తారా?'' అంటూ నెగెటివ్ కామెంట్స్ చేసే వారిని ప్రశ్నించాడు. అంతటితో ఆగక సినిమాలు చేయడమనేది పవన్ ప్రొఫెషన్ అని, దాని ద్వారా వచ్చిన సొమ్ముతోనే తన పార్టీని, స్టాఫ్ని చూసుకోవాల్సి ఉంటుంది తప్ప ఆయనకు వేరే బిజినెస్ ఏదీ లేదని అన్నాడు. పవన్ సినిమాలు చేయడంలో తప్పులేదు అంటూ ఆయనొక్కడినే అందరూ టార్గెట్ చేయడం సబబు కాదని పేర్కొన్నాడు.
from Telugu Movie News | Movie News in Telugu | Movie Gossips in Telugu https://ift.tt/32UVolb
v
No comments:
Post a Comment