పబ్జీ గేమ్.. దీని గురించి తెలియని వారే ఉండరు అని చెప్పడంలో అతిశయోక్తి లేదు. చిన్న పిల్లలు మొదలుకొని టీనేజ్ యువకుల వరకూ అంతా ఈ గేమ్ మాయలోనే ఉండేవారు. ఇలా ఇదో వ్యసనంగా మారి ఆ తర్వాత చైనా యాప్స్ నిషేధంలో భాగంగా భారత్లో నిషేధించబడిన సంగతి తెలిసిందే. దీంతో కి అలవాటుపడ్డ వారంతా నిరాశ చెందారు. అయితే ఇప్పుడు దాని స్థానంలో FAU -G అనే కొత్త దేశీయ యాప్ అందుబాటులోకి తీసుకురానుండటం ఆసక్తి కలిగిస్తోంది. తాజాగా ఈ విషయమై బాలీవుడ్ హీరో అధికారిక ప్రకటన చేశారు. పబ్జీతో సహా 118 చైనా యాప్స్ భారత ప్రభుత్వం బ్యాన్ చేయడంతో ప్రత్యామ్నాయ యాప్స్ కోసం వెతుకుంటున్నారు యూజర్స్. ఈ నేపథ్యంలో ప్రధానమంత్రి పిలుపు మేరకు 'ఆత్మ నిర్భర్ భారత్' ఉద్యమంలో భాగంగా వాటిని రీ ప్లేస్ చేసేలా పలు స్వదేశీ యాప్స్ అందుబాటులోకి తీసుకొస్తున్నారు. ఇందులో భాగంగా PUBG స్థానంలో FAU -G (ఫియర్లెస్ అండ్ యునైటెడ్ గార్డ్స్) పేరుతో సరికొత్త స్వదేశీ యాప్ తీసుకొస్తున్నట్లు అక్షయ్ కుమార్ తెలిపారు. త్వరలోనే ఈ మల్టీ ప్లేయర్ గేమ్ అందరికీ అందుబాటులో ఉండనుందని చెబుతూ ట్వీట్ చేశారు. Also Read: ఈ FAU -G గేమ్కి మోంటర్గా వ్యవహరిస్తున్న అక్షయ్.. ఈ గేమ్ ద్వారా కేవలం వినోదం మాత్రమే కాదు మన సైనికుల త్యాగాలను సైతం తెలియజేయబోతున్నాం అని పేర్కొన్నారు. అంతేకాదు ఈ గేమ్ ద్వారా సమకూరే ఆదాయంలో 20 శాతం ‘భారత్కా వీర్ ట్రస్ట్’కు అందజేయనున్నట్లు ఆయన తెలిపారు. బెంగళూరుకు చెందిన ఎన్కోర్ గేమ్స్ సంస్థ రూపొందించిన ఈ FAU -G గేమ్ పోస్టర్ అందరితో పంచుకుంటూ ఆసక్తి రేకెత్తించారు. అక్షయ్ చేసిన ఈ ప్రకటన చూసి కొందరు గేమ్ ప్రియులు సంతోషం వ్యక్తం చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2QVOMgV
v
No comments:
Post a Comment