రాజ్‌ తరుణ్‌తో వెంటనే మరో సినిమా.. జోరుమీదున్న దర్శకుడు

తనతో ‘ఒరేయ్ బుజ్జిగా’ వంటి కామెడీ లవ్ ఎంటర్‌టైనర్‌ను రూపొందించిన దర్శకుడు కొండా విజయ్ కుమార్‌తో యంగ్ హీరో మరో సినిమా చేస్తున్నారు. ఈ సినిమాను హైదరాబాద్‌లోని కోకాపేటలో పూజా కార్యక్రమాలతో గురువారం ప్రారంభించారు. ఈ డిఫరెంట్ థ్రిల్లర్‌ను శ్రీ‌మ‌తి ప‌ద్మ స‌మ‌ర్పణ‌లో వ‌న‌మాలి క్రియేష‌న్స్ ప్రైవేట్ లిమిటెడ్ బ్యానర్‌పై మ‌హిద‌ర్‌, దేవేష్ నిర్మిస్తున్నారు. ముహూర్తపు స‌న్నివేశానికి క్రియేటివ్ ప్రొడ్యూస‌ర్ కె.ఎస్.రామారావు క్లాప్ కొట్టగా ప్రముఖ నిర్మాత గోపీనాథ్ ఆచంట కెమెరా స్విచాన్ చేశారు. మొద‌టి స‌న్నివేశాన్ని దేవుడి చిత్రప‌టాల‌పై చిత్రీక‌రించారు. స్క్రిప్ట్‌ను కె.ఎస్. రామారావు చేతుల ‌మీదుగా ద‌ర్శకుడు విజ‌య్ కుమార్ అందుకున్నారు. ఈ సంద‌ర్భంగా ద‌ర్శకుడు విజ‌య్ కుమార్ మాట్లాడుతూ.. ‘‘గుండె జారి గ‌ల్లంత‌య్యిందే, ఒక లైలా కోసం, ఒరేయ్ బుజ్జిగా చిత్రాల‌కు పూర్తి భిన్నంగా ఈ సినిమా ఉంటుంది. రాజ్ త‌రుణ్‌తో ఫుల్ లెంగ్త్ ల‌వ్ ఎంట‌ర్‌టైన‌ర్‌గా ‘ఒరేయ్ బుజ్జిగా..’ మూవీ చేశాను. సినిమా చాలా బాగా వ‌చ్చింది. ఇప్పుడు ల‌వ్, ఎంట‌ర్‌టైన్‌మెంట్ ఉంటూనే ఒక డిఫ‌రెంట్ థ్రిల్లర్‌గా ఈ మూవీ తీర్చిదిద్దుతాను’’ అని అన్నారు. హీరో రాజ్ త‌రుణ్ మాట్లాడుతూ.. ‘‘విజ‌య్ కుమార్ గారు చాలా టాలెండెడ్ డైరెక్టర్. ఆయ‌న ద‌ర్శక‌త్వంలో ‘ఒరేయ్ బుజ్జిగా’ మూవీని చాలా ఎంజాయ్ చేస్తూ చేశాను. కచ్చితంగా అది ఒక మంచి సినిమా అవుతుంది. వెంట‌నే ఆయ‌న‌తో మ‌రోసారి వ‌ర్క్ చేసే అవకాశం రావడం సంతోషంగా ఉంది’’ అని అన్నారు. నేటి నుంచి నాన్‌స్టాప్‌గా షూటింగ్ జరిపి చిత్రాన్ని వీలైనంత త్వరగా పూర్తిచేస్తామని ఎగ్జిక్యూటివ్ ప్రొడ్యూస‌ర్ ప‌ల‌మ‌ర్తి అనంత్ సాయి చెప్పారు. కాగా ఈ చిత్రంలో రాజ్ తరుణ్ సరసన ‘హుషారు’ బ్యూటీ హేమల్ ఇంగ్లే నటిస్తున్నారు. ఇంకా.. పూర్ణ, మ‌ధు నంద‌న్‌, అజ‌య్‌, కోటా శ్రీ‌నివాస‌రావు, రాజా ర‌వీంద్ర, ధ‌న్‌రాజ్‌, కేద‌రి శంక‌ర్‌, టిల్లు వేణు, భూపాల్‌, అప్పాజీ, ర‌వివ‌ర్మ, సంధ్య జ‌న‌క్ త‌దిత‌రులు నటిస్తున్నారు. ఈ సినిమాకు క‌థ‌-మాట‌లు: న‌ంద్యాల ర‌వి, సినిమాటోగ్రఫి: ఐ. ఆండ్రూ, సంగీతం: అనూప్ రూబెన్స్‌, ఎడిటింగ్: ప్రవీణ్ పూడి, ఆర్ట్‌: శివ‌, ఫైట్స్‌: ‘రియ‌ల్’ స‌తీష్‌, స్క్రీన్ ప్లే - ద‌ర్శక‌త్వం: విజ‌య్ కుమార్ కొండా.

from Telugu Movie News | Movie News in Telugu | Movie Gossips in Telugu https://ift.tt/33XX4L9
v