సినీ కార్మికులకు నిత్యావసర సరుకుల పంపిణీ.. డా. ఆనంద్ సాయం

ప్రపంచాన్ని గడగడలాడిస్తున్న కరోనా వైరస్ సినీ కార్మికుల వెన్నువిరిచింది. గత నాలుగు నెలలకు పైగా షూటింగ్స్ లేకపోవడంతో ఉపాధి కరువై రోజువారి బిక్కుబిక్కుమంటున్నారు. కేంద్ర, రాష్ట్ర ప్రభుత్వాలు షూటింగ్స్‌కి అనుమతులు ఇచ్చినప్పటికీ కరోనా కల్లోలంతో ఇప్పట్లో నటీనటులు సెట్స్ మీదకు వచ్చే పరిస్థితి కనిపించడంలేదు. దీంతో తెలుగు సినీ కార్మికుల సహాయార్థం వర్ధమాన నటి క్రియ పచ్చిపాలతో కలిసి ముందుకొచ్చారు షార్ట్ ఫిలిం డైరెక్టర్ . అమెరికాలో ఉంటున్న వర్ధమాన నటి క్రియ పచ్చిపాల, తన బంజారా మహిళా యన్‌జీవో పేరు పై దాదాపు 15 రాష్ట్రాలలో ఉచిత కరోనా సహాయ శిబిరాలను నిర్వహిస్తున్న డైరెక్టర్ డా.ఆనంద్ కలిసి ఫిల్మ్ ఛాంబర్‌లో వివిధ శాఖల్లో పని చేస్తూ ప్రస్తుతం ఉపాధి కరువై సాయం కోసం ఎదురు చూస్తున్న 60 మంది సినీ కార్మికులకు నిత్యావసర సరుకులు అందజేశారు. ఫిల్మ్ నగర్ ప్రొడ్యూసర్ కౌన్సిల్ ప్రాంగణంలో జరిగిన ఈ కార్యక్రమంలో దర్శకులు ప్రేం రాజ్, ప్రసన్న కుమార్, డా.కాదంబరి కిరణ్ కుమార్, యం ఆర్ చౌదరి తదితరులు పాల్గొన్నారు. ఈ సందర్భంగా డా.ఆనంద్ మాట్లాడుతూ.. మెగాస్టార్ చిరంజీవి గారి పిలిపు మేరకు సినీ పరిశ్రమ అంతా సినీ కార్మికుల కోసం సహాయాలను అందిచడం, తన లాంటి వారికి స్పూర్తి దాయకమని, ముఖ్యంగా మంచి మనసుతో సహాయాన్ని అందించిన కల్పన పచ్చిపాల, క్రియకు ధన్యవాదాలు అని తెలిపారు.

from Telugu Movie News | Movie News in Telugu | Movie Gossips in Telugu https://ift.tt/3lLMhfn
v