గెట్ రెడీ నందమూరి ఫ్యాన్స్.. భారీ ప్రకటన వచ్చేస్తోంది!!

నందమూరి అభిమానులకు మంచి ఉత్సాహాన్ని ఇచ్చే అప్‌డేట్ త్వరలోనే రాబోతుందని ఇండస్ట్రీ వర్గాల సమాచారం. మహేష్ బాబు‌తో ‘సరిలేరు నీకెవ్వరు’ లాంటి బ్లాక్ బస్టర్ మూవీని రూపొందించిన అనిల్ రావిపూడి.. నందమూరి హీరోగా ఒక సినిమాను ప్రకటించబోతున్నారని వినికిడి. ‘సరిలేరు నీకెవ్వరు’ సక్సెస్ తరవాత ఇప్పటి వరకు తన రాబోయే సినిమాను ప్రకటించలేదు. అయితే, అనిల్ తన సూపర్ హిట్ మూవీ ‘F2’కు సీక్వెల్‌ను తెరకెక్కించనున్నారని, అందుకే ఆయన ఈ లాక్‌డౌన్ పీరియడ్‌లో ‘F3’ స్క్రిప్ట్‌ను సిద్ధం చేస్తున్నారని టాక్. త్వరలోనే అనిల్ రావిపూడి ‘F3’ స్క్రిప్ట్ వర్క్‌ను పూర్తిచేయనున్నారని, ఆ వెంటనే బాలకృష్ణతో సినిమాను ప్రకటించనున్నారని ఇండస్ట్రీ వర్గాల ద్వారా తెలిసిన సమాచారం. అయితే, ఈ ప్రాజెక్ట్‌కు సంబంధించి అధికారికంగా ప్రకటన రావాల్సి ఉంది. ప్రస్తుతానికి ఇండస్ట్రీలో వినిపిస్తోన్న టాక్‌ను బట్టి.. అనిల్ రావిపూడి ఇప్పటికే బాలయ్యకు స్టోరీ లైన్‌ను చెప్పారు. ఈ స్టోరీ లైన్ బాలయ్యకు బాగా నచ్చిందట. సినిమా చేయడానికి ఆయన అంగీకారం కూడా తెలిపారని అంటున్నారు. Also Read: అంతా అనుకున్నట్టే జరిగితే దసరాకి ఈ సినిమాను ప్రకటిస్తారని సమాచారం. ప్రస్తుతం ఇండస్ట్రీలో ఉన్న దర్శకుల్లో అనిల్ రావిపూడిది ప్రత్యేకమైన శైలి. ఆయన సినిమాల్లో కామెడీ ఎక్కువగా ఉంటుంది. అలాగే, కమర్షియల్ అంశాలు కూడా పుష్కలంగా ఉంటాయి. కాబట్టి, బాలయ్య సినిమాలోనూ మంచి ఎంటర్‌టైన్మెంట్‌ను మనం ఆశించవచ్చు. ప్రస్తుతం బాలకృష్ణ.. బోయపాటి సినిమాతో బిజీగా ఉన్నారు. లాక్‌డౌన్‌కు ముందే ఈ సినిమా షూటింగ్ ప్రారంభమైంది. ఒక ఫైట్‌ను రామోజీ ఫిల్మ్ సిటీలో షూట్ చేశారు. త్వరలోనే షూటింగ్ తిరిగి ప్రారంభంకానుంది.

from Telugu Movie News | Movie News in Telugu | Movie Gossips in Telugu https://ift.tt/2Gtmus4
v