ఈ ఏడాది కరోనా కారణంగా బిగ్ బాస్ ఉండదేమో అనుకున్న ప్రేక్షకులను హుషారెత్తిస్తూ ప్రకటించింది స్టార్ మా. 15 మంది కంటిస్టెంట్లతో మరోసారి నాగార్జున హోస్ట్గా గత వారం ఎంతో అట్టహాసంగా ప్రారంభమైన ఈ షో అప్పుడే ఫస్ట్ వీక్ ఎలిమినేషన్స్ దాకా వచ్చేసింది. వారం వారం ఉండే ఎలిమినేషన్స్లో భాగంగా నామినేషన్స్ ప్రక్రియ ఫినిష్ అయి ఓటింగ్ నడుస్తోంది. అయితే ఇలా బిగ్ బాస్ ఆట నుంచి అనూహ్యంగా ఎలిమినేట్ అయిన వాళ్ళ ఫీలింగ్స్ బయటపెట్టేందుకు రెడీ అయ్యారు సీజన్ 3 విన్నర్ . గత సీజన్ ప్రసారం అయిన సమయంలో 'బిగ్ బాస్ బజ్' పేరిట ఓ వినూత్న కార్యక్రమానికి శ్రీకారం చుట్టిన సంగతి తెలిసిందే. బిగ్ బాస్ షోలో నుంచి ఎలిమినేట్ అయిన కంటిస్టెంట్స్ ఫీలింగ్స్ తెలుసుకోవడం ఈ 'బిగ్ బాస్ బజ్' ముఖ్య ఉద్దేశ్యం. గతేడాది దీనికి రెండో సీజన్ కంటెస్టెంట్ తనీష్ వ్యాఖ్యతగా వ్యవహరించి ప్రేక్షకులను అంతగా ఆకట్టుకోలేకపోయాడు. ఈ క్రమంలో ఈ సారి సీజన్ 4 బిగ్ బాస్ బజ్తో ఎలాగైనా అట్రాక్ట్ చేయాలని భావించిన యాజమాన్యం బిగ్ బాస్ సీజన్ 3 విన్నర్ రాహుల్ సింప్లిగంజ్ని రంగంలోకి దించింది. Also Read: ఈ మేరకు తాజాగా 'బిగ్ బాస్ బజ్' ప్రోమో రిలీజ్ చేశారు. ఈ వీడియోలో తనదైన మేనరిజంలో ఆకట్టుకొని నిజమైన బజ్ క్రియేట్ చేసేశాడు రాహుల్. ''అర్రే.. బిగ్ బాస్ ఇంట్ల వంద రోజులున్న. ఆడ ఉన్న పరేశాన్లు, ఎమోషన్స్ నాకు బారాబర్ తెలుసు. 100 రోజులు ఇట్లుందామని వచ్చినోళ్ళు వారం వారం ఎగిరిపోతుంటరు చూడుర్రి.. వాళ్ళ ఎమోషన్స్ నాకు తెలుసుకోవాలని ఉంది. మీక్కూడా మస్త్ తెలుసుకోవాలనుంది కదా.. దేంట్లనో అర్థమైందనుకుంటా. .. తెలుసుకోవాల్సింది చాలా ఉంది'' అంటూ తెలంగాణ స్లాగ్తో ప్రోమో వీడియోలోనే పడేశాడు రాహుల్ సింప్లిగంజ్. ఈ కార్యక్రమం ప్రతి సోమవారం ఉదయం 10 గంటలకు, సాయంత్రం 6 గంటలకు ప్రసారం కానుంది. చూడాలి మరి గత సీజన్లో హంగామా చేసి విజేతగా నిలిచిన రాహుల్ ఇప్పుడు 'బిగ్ బాస్ బజ్'తో మరోసారి మస్త్ మజా ఇస్తాడా? లేక గత సీజన్ బిగ్ బాస్ బజ్ తనీష్ లాగే విమర్శలు మూగట్టుకుంటాడా? అనేది.
from Telugu Movie News | Movie News in Telugu | Movie Gossips in Telugu https://ift.tt/3ho4jky
v
No comments:
Post a Comment